42 minutes ago
1
ARTICLE AD BOX
ନାଗୋୟା: ଜାତୀୟ ରେକର୍ଡଧାରୀ ଡେକାଥଲନ୍ ଖେଳାଳି ତେଜସ୍ୱିନ ଶଙ୍କର ଚଳିତ ଏସୀୟ କ୍ରୀଡ଼ାରେ କାଂସ୍ୟ ପଦକ ଜିତିଛନ୍ତି। ରବିବାର ଅନୁଷ୍ଠିତ ପ୍ରତିଯୋଗିତାରେ ସେ ମୋଟ ୭୯୩୪ ପଏଣ୍ଟ ହାସଲ କରି ତୃତୀୟ ସ୍ଥାନରେ ରହିଥିଲେ। ଗତ ସଂସ୍କରଣରେ ରୌପ୍ୟ ପଦକ ଜିତିଥିବା ତେଜସ୍ୱିନଙ୍କୁ ଏଥର କାଂସ୍ୟରେ ସନ୍ତୁଷ୍ଟ ହେବାକୁ ପଡ଼ିଛି। ଅନ୍ୟପକ୍ଷରେ ଜାପାନର ୟୁମା ମୁରୁୟାମା ୮୧୨୩ ପଏଣ୍ଟ ସହ ସ୍ୱର୍ଣ୍ଣ ପଦକ ହାସଲ କରିଛନ୍ତି। ଗତ ସଂସ୍କରଣରେ ମୁରୁୟାମା କାଂସ୍ୟ ପଦକ ଜିତିଥିଲେ।
ନିଜ ପ୍ରଦର୍ଶନକୁ ନେଇ ତେଜସ୍ୱିନଙ୍କ ନିରାଶା ପ୍ରକାଶ
ତେବେ କାଂସ୍ୟ ପଦକ ଜିତିବା ସତ୍ତ୍ୱେ ନିଜ ପ୍ରଦର୍ଶନକୁ ନେଇ ତେଜସ୍ୱିନ ଘୋର ନିରାଶା ପ୍ରକାଶ କରିଛନ୍ତି। ସେ କହିଛନ୍ତି, ‘‘ତୃତୀୟ ସ୍ଥାନ ହାସଲ କରିବା ମୋର ଲକ୍ଷ୍ୟ ନଥିଲା। ଏହି କାଂସ୍ୟ ପଦକର ବୋଝକୁ ମୋତେ ଦୂର କରିବାକୁ ପଡ଼ିବ। ଏବେ ମୁଁ ବହୁତ ନିରାଶ। ମୋତେ ଲାଗୁନାହିଁ ଯେ ମୁଁ କାଂସ୍ୟ ପଦକ ଜିତିଛି, ବରଂ ରୌପ୍ୟ ପଦକ ହରାଇଛି।’’
ଦିଲ୍ଲୀର ୨୭ ବର୍ଷୀୟ ତେଜସ୍ୱିନ ଡେକାଥଲନ୍ର ଦଶମ ତଥା ଅନ୍ତିମ ଇଭେଣ୍ଟ ୧୫୦୦ ମିଟର ଦୌଡ଼ରେ ପ୍ରଥମ ସ୍ଥାନ ହାସଲ କରିଥିଲେ। ସେ ୪ ମିନିଟ୍ ୩୩.୦୯ ସେକେଣ୍ଡରେ ଦୌଡ଼ ଶେଷ କରି ମୁରୁୟାମାଙ୍କୁ ପଛରେ ପକାଇଥିଲେ। ମୁରୁୟାମା ୪ ମିନିଟ୍ ୩୩.୯୨ ସେକେଣ୍ଡ ସମୟ ନେଇଥିଲେ। ତେବେ ଅନ୍ତିମ ଇଭେଣ୍ଟ ପୂର୍ବରୁ ମୁରୁୟାମା ସ୍ୱର୍ଣ୍ଣ ପଦକ ପାଇଁ ଯଥେଷ୍ଟ ପଏଣ୍ଟ ହାସଲ କରିସାରିଥିବାରୁ ୧୫୦୦ ମିଟର ଦୌଡ଼ର ଫଳାଫଳ ଚୂଡ଼ାନ୍ତ ସ୍ଥିତି ଉପରେ ବିଶେଷ ପ୍ରଭାବ ପକାଇ ନଥିଲା।
Asian Games: ଏସୀୟ କ୍ରୀଡ଼ା କ୍ରିକେଟ୍ ସେମିଫାଇନାଲ୍ରେ ଭାରତ, ପାକିସ୍ତାନ
