57 minutes ago
2
ARTICLE AD BOX
ଲକ୍ଷ୍ନୌ: ଉତ୍ତର ପ୍ରଦେଶ ବିଧାନସଭା ନିର୍ବାଚନ ୨୦୨୭କୁ ନେଇ ରାଜନୈତିକ ଦଳଗୁଡ଼ିକର ପ୍ରସ୍ତୁତି ଆରମ୍ଭ ହୋଇଯାଇଛି। ଏହି ମଧ୍ୟରେ ଅଲ୍ ଇଣ୍ଡିଆ ମଜଲିସ୍-ଏ-ଇତ୍ତେହାଦୁଲ୍ ମୁସଲିମିନ୍ (AIMIM) ମଧ୍ୟ ନିଜ ରଣନୀତି ଉପରେ କାମ କରୁଛି। ଦଳ ବିରୋଧୀ ଦଳଗୁଡ଼ିକ ସହ ସମ୍ଭାବ୍ୟ ମେଣ୍ଟ ପାଇଁ ପ୍ରସ୍ତୁତି ଚଳାଇଛି। ଏହି କ୍ରମରେ ଦଳର ମୁଖ୍ୟ ଅସଦୁଦ୍ଦିନ ଓୱେସି ଲକ୍ଷ୍ନୌ ଗସ୍ତରେ ପହଞ୍ଚିଛନ୍ତି। ଏହି ସମୟରେ ଏକ ସଭାକୁ ସମ୍ବୋଧିତ କରି ସେ ସମାଜବାଦୀ ପାର୍ଟି (ସପା) ମୁଖ୍ୟ ଅଖିଳେଶ ଯାଦବ ଏବଂ ତାଙ୍କ ରାଜନୀତିକୁ ନେଇ ତୀବ୍ର ଆକ୍ରମଣ କରିଛନ୍ତି। ସପା ମୁସଲମାନମାନଙ୍କୁ କେବଳ ଭୋଟ୍ ବ୍ୟାଙ୍କ ଭାବେ ବ୍ୟବହାର କରୁଥିବା ଓୱେସିଅଭିଯୋଗ କରିଛନ୍ତି।
ଓୱେସି ସ୍ପଷ୍ଟ ଭାବେ କହିଛନ୍ତି ଯେ ତାଙ୍କ ଦଳ ଏବେ ଅନ୍ୟ କୌଣସି ଦଳ ପାଇଁ ଲାଲ୍ କାର୍ପେଟ୍ କିମ୍ବା ଦରି ବିଛାଇବା କାମ କରିବ ନାହିଁ। ମୁସଲମାନମାନଙ୍କୁ କେବଳ ଭୋଟ୍ ବ୍ୟାଙ୍କ ଭାବେ ବ୍ୟବହାର କରାଯିବା ଉଚିତ୍ ନୁହେଁ ବୋଲି ସେ ଜୋର ଦେଇଛନ୍ତି। ଶ୍ରାବସ୍ତୀରେ ଏକ ଜନସଭାକୁ ସମ୍ବୋଧିତ କରି ଓୱେସି କହିଛନ୍ତି, “ଗତ ୭୦-୭୫ ବର୍ଷ ଧରି ମୁସଲିମ୍ ସଂଖ୍ୟାଲଘୁ ସମ୍ପ୍ରଦାୟକୁ କେବଳ ଭୋଟର ଭାବେ ରଖିବା ପାଇଁ ଏକ ସୁଚିନ୍ତିତ ଉଦ୍ୟମ ହୋଇଆସୁଛି। କିନ୍ତୁ ଏବେ ଆମକୁ ନିଜର ସ୍ୱର ନିଜେ ଉଠାଇବାକୁ ପଡ଼ିବ।”
ସେମାନଙ୍କ ଭୋଟକୁ ଭଲ ପାଆନ୍ତି
ମଦ୍ରାସା ଉପରେ ହେଉଥିବା କାର୍ଯ୍ୟାନୁଷ୍ଠାନକୁ ନେଇ ଓୱେସି କହିଛନ୍ତି, “ଆପଣମାନଙ୍କ ଆଖି ସାମ୍ନାରେ ୨୦୦ରୁ ଅଧିକ ମଦ୍ରାସାକୁ ସିଲ୍ କରିଦିଆଯାଇଛି। ସମାଜବାଦୀ ପାର୍ଟି, ବିଜେପି କିମ୍ବା କୌଣସି ତଥାକଥିତ ଧର୍ମନିରପେକ୍ଷ ଦଳ ଆମର ସାହାଯ୍ୟ ପାଇଁ ହାତ ବଢ଼ାଇନାହାନ୍ତି। ୧୮ରୁ ଅଧିକ ମଦ୍ରାସା ଭାଙ୍ଗି ଦିଆଯାଇଛି। ସପାର ଲୋକମାନେ କେଉଁଠି ଥିଲେ? ମୁଁ ସେମାନଙ୍କୁ କହିବାକୁ ଚାହୁଁଛି—ଆପଣମାନେ ମୁସଲମାନମାନଙ୍କୁ ଭଲ ପାଆନ୍ତି ନାହିଁ; ଆପଣମାନେ କେବଳ ସେମାନଙ୍କ ଭୋଟକୁ ଭଲ ପାଆନ୍ତି। ଆପଣମାନେ ମୁସଲମାନମାନଙ୍କୁ ନ୍ୟାୟ ଦେବାକୁ ଚାହୁଁନାହାନ୍ତି; ବରଂ ସେମାନଙ୍କୁ ଦୁର୍ବଳ କରିବାକୁ ଚାହୁଁଛନ୍ତି। AIMIM ଏବଂ ସପା ମଧ୍ୟରେ ଏହା ହିଁ ପାର୍ଥକ୍ୟ।”
ଓୱେସିଙ୍କ କଥାରେ ସହମତ ଓମ୍ ପ୍ରକାଶ ରାଜଭର
ଓୱେସିଙ୍କ ଏହି ଅଭିଯୋଗ ସହ କ୍ୟାବିନେଟ୍ ମନ୍ତ୍ରୀ ଓମ୍ ପ୍ରକାଶ ରାଜଭର ମଧ୍ୟ ସହମତି ପ୍ରକାଶ କରିଛନ୍ତି। ରାଜଭର କହିଛନ୍ତି, “ସେ ଠିକ୍ କହିଛନ୍ତି। କଂଗ୍ରେସ ମଧ୍ୟ ଦରି ବିଛାଇଥିଲା। ଯେତେବେଳେ ମୁଖ୍ୟମନ୍ତ୍ରୀ କରିବା କଥା ଆସିଲା, ସେତେବେଳେ ମୁସଲମାନମାନଙ୍କୁ ଅଣଦେଖା କରାଗଲା। ମୁସଲମାନମାନଙ୍କ ସମର୍ଥନରେ ସମାଜବାଦୀ ପାର୍ଟି ମଧ୍ୟ ଚାରିଥର ସରକାର ଗଠନ କରିଛି, କିନ୍ତୁ ସେମାନେ ମଧ୍ୟ ଦରି ବିଛାଇବା କାମ କରିଛନ୍ତି। ଥରେ ହେଲେ ମଧ୍ୟ ମୁସଲମାନଙ୍କୁ ମୁଖ୍ୟମନ୍ତ୍ରୀ କରିବା କଥା କହିନାହାନ୍ତି। ସରକାର ଗଠନ ହେବା ପରେ ଅଖିଳେଶଜୀ ନିଜ ସମ୍ପ୍ରଦାୟର ଲୋକଙ୍କୁ ଆଗକୁ ବଢ଼ାଇଲେ ଏବଂ ମୁସଲମାନମାନଙ୍କୁ ଛାଡ଼ିଦେଲେ। କଂଗ୍ରେସ ସରକାର ଗଠନ କରିଥିବା ବେଳେ ସେମାନେ ମଧ୍ୟ ନିଜ ସ୍ୱାର୍ଥରେ ବ୍ୟସ୍ତ ରହିଲେ। ତେଣୁ ଓୱେସିଜୀ ଯାହା କହୁଛନ୍ତି, ତାହା ଠିକ୍।”
Janhvi Kapoor: ଦେବରା ପାର୍ଟ ୧ ଚଳଚ୍ଚିତ୍ରର ଗୀତ ‘ଚୁଟ୍ଟୁମାଲ୍ଲେ’କୁ ନେଇ ମୁହଁ ଖୋଲିଲେ ଜାହ୍ନବୀ କପୁର
