1 hour ago
1
ARTICLE AD BOX
ଘୁ.ଉଦୟଗିରି(ସମୀର ପାଢ଼ୀ): ସ୍ଥାନୀୟ ଘୁମୁସର ଉଦୟଗିରି ବ୍ଲକ ଅନ୍ତର୍ଗତ କଳିଙ୍ଗା ପଞ୍ଚାୟତର ମାଲାନସୁଗା ଗ୍ରାମରେ ଗତ ୫ ଦିନ ଧରି ବିଦ୍ୟୁତ୍ ସେବା ବ୍ୟାହତ ରହିଛି। ଗାଁରେ ଥିବା ପ୍ରାୟ ୭୦ଟି ପରିବାର ଅନ୍ଧାରରେ ରାତି କାଟୁଛନ୍ତି।
ଏନେଇ ଗ୍ରାମବାସୀ କହିଛନ୍ତି, ସେମାନେ ଅନେକ ଥର ବିଦ୍ୟୁତ୍ ବିଭାଗକୁ ଟୋଲ୍-ଫ୍ରି ନମ୍ବରରେ ଅଭିଯୋଗ ଦାଖଲ କରିଛନ୍ତି। କିନ୍ତୁ ଏପର୍ଯ୍ୟନ୍ତ ବିଦ୍ୟୁତ୍ ସେବା ସ୍ୱାଭାବିକ ହେବାତ ଦୂରର କଥା ଗାଁକୁ କୌଣସି ବିଦ୍ୟୁତ୍ ବିଭାଗ କର୍ମଚାରୀ ଆସି ଯାଞ୍ଚ କରିନାହାନ୍ତି। ସନ୍ଧ୍ୟା ହେଲେ ଏହି ଅଞ୍ଚଳରେ ହାତୀ ଉପଦ୍ରବ ହେଉଥିବାରୁ ଅନ୍ଧାରରେ ସୁରକ୍ଷା ନେଇ ଚିନ୍ତା ବଢ଼ିଛି।
ଏଣୁ ଘଟଣାଟିକୁ ଗୁରୁତ୍ୱ ଦେଇ ତୁରନ୍ତ ବିଦ୍ୟୁତ୍ ସେବା ପୁନଃସ୍ଥାପନ କରିବା ସହ ଗ୍ରାମବାସୀଙ୍କ ସୁରକ୍ଷା ପ୍ରତି ବିଭାଗୀୟ ଅଧିକାରୀମାନେ ଦୃଷ୍ଟି ଦିଅନ୍ତୁ ବୋଲି ଅଞ୍ଚଳବାସୀ ଦାବି କରିଛନ୍ତି।
