1 hour ago
1
ARTICLE AD BOX
ରାଞ୍ଚି: ରାଞ୍ଚି ଟ୍ବେଣ୍ଟି-୨୦ରେ ଭାରତର ୨୫୦ ରନ୍ ଲକ୍ଷ୍ୟକୁ ୱେଷ୍ଟଇଣ୍ଡିଜ୍ ୯ ବଲ୍ ପୂର୍ବରୁ ହାସଲ କରିନେବା ପରେ ପୁଣିଥରେ ପିଚ୍କୁ ନେଇ ପ୍ରଶ୍ନ ଉଠିବା ଆରମ୍ଭ ହୋଇଛି। ଏହା ପୂର୍ବରୁ ସେପ୍ଟେମ୍ବର ୩୦ରେ ଅନୁଷ୍ଠିତ ଗୁଆହାଟୀ ଦିନିକିଆରେ ୱେଷ୍ଟଇଣ୍ଡିଜ୍ର ୪୦୬ ରନ୍ ଲକ୍ଷ୍ୟକୁ ବି ଭାରତ ୩୯ ବଲ୍ ପୂର୍ବରୁ ହାସଲ କରିନେଇଥିଲା। ତୃତୀୟ ଦିନିକିଆରେ ଭାରତର ୩୫୨ ରନ୍ ଲକ୍ଷ୍ୟକୁ ବି ୱେଷ୍ଟଇଣ୍ଡିଜ୍ ହାସଲ କରିନେଇଥିଲା। ଏଣୁ କେବଳ ବ୍ୟାଟରଙ୍କୁ ସୁହାଉଥିବା ପିଚ୍କୁ ନେଇ ପ୍ରଶ୍ନ ଉଠାଇଛନ୍ତି ଭାରତୀୟ ଦଳର ମୁଖ୍ୟ ପ୍ରଶିକ୍ଷକ ଗୌତମ ଗମ୍ଭୀର। ବ୍ୟାଟିଂ ଓ ବୋଲିଂ ମଧ୍ୟରେ ଉତ୍ତମ ସନ୍ତୁଳନ ରହୁ ବୋଲି ସେ ମତ ଦେଇଛନ୍ତି। ରାଞ୍ଚି ଟ୍ବେଣ୍ଟି-୨୦ ପରେ ସାମ୍ବାଦିକ ସମ୍ମିଳନୀରେ ସେ କହିଥିଲେ, ବ୍ୟାଟ୍ ଓ ବଲ୍ ମଧ୍ୟରେ ଭଲ ପ୍ରତିଦ୍ୱନ୍ଦ୍ୱିତା ଦେଖିବାକୁ ସମସ୍ତେ ଚାହାନ୍ତି। କେବଳ ଛକା-ଚୌକା ଦେଖିବା ପରିବର୍ତ୍ତେ ଉଭୟ ବ୍ୟାଟର୍ ଓ ବୋଲରଙ୍କୁ ସମାନ ସୁଯୋଗ ମିଳିବା ଆବଶ୍ୟକ। ବୋଲରମାନେ ମଧ୍ୟ କଠିନ ପରିଶ୍ରମ କରି ଦଳରେ ସ୍ଥାନ ପାଇଛନ୍ତି ଏବଂ ସେମାନଙ୍କ କ୍ୟାରିୟର ମଧ୍ୟ ବାଜିରେ ଲାଗିଛି। ଏଣୁ ଭଲ ପିଚ୍ ତିଆରି ହେଉ ବୋଲି ସେ କହିଛନ୍ତି। ତେବେ ପରାଜୟ ପାଇଁ କେବଳ ପିଚ୍କୁ ଦାୟୀ କରିନାହାନ୍ତି ଗମ୍ଭୀର। ଶକ୍ତିଶାଳୀ ବ୍ୟାଟିଂ ଲାଇନ୍ଅପ୍ ବିପକ୍ଷରେ ଏଭଳି ପରିସ୍ଥିତିରେ ମଧ୍ୟ ରନ୍ ରୋକିବାର ଉପାୟ ଭାରତକୁ ଖୋଜିବାକୁ ପଡ଼ିବ ବୋଲି ସେ ସ୍ପଷ୍ଟ କରିଛନ୍ତି।
Judgement: ମେଟ୍ରୋ ଷ୍ଟେସନ ବନ୍ଦ ଓ ଟ୍ରେନ୍ ବାତିଲକୁ ନେଇ ଅଦାଲତ ଅବମାନନା ମାମଲା
ଲେଗ୍ ସ୍ପିନର ୟୁଝବେନ୍ଦ୍ର ଚହଲ ମଧ୍ୟ ସମତଳ ପିଚ୍କୁ ନେଇ ପ୍ରଶ୍ନ ଉଠାଇଛନ୍ତି। ସେ କହିଛନ୍ତି ଯେ ଏପରି ପିଚ୍ରେ ବୋଲରଙ୍କ ପାଇଁ କିଛି ନାହିଁ। ସମତଳ ପିଚ୍, ଛୋଟ ବାଉଣ୍ଡରୀ ଯୋଗୁଁ ଟ୍ବେଣ୍ଟି-୨୦ କ୍ରିକେଟ୍ ବ୍ୟାଟିଂ ଆଡକୁ ଅଧିକ ଢଳିଯାଇଛି। ବୋଲରଙ୍କ ଦକ୍ଷତା ଓ କୌଶଳର କୌଣସି ମୂଲ୍ୟ ନାହିଁ। ଏଣୁ ବୋଲରଙ୍କ ବଦଳରେ ଏକ ବୋଲିଂ ମେସିନ ଲଗାଯାଇ ମ୍ୟାଚ୍ ଖେଳାଯାଉ ବୋଲି ସେ କଟାକ୍ଷ କରିଛନ୍ତି।
ଦ୍ବିତୀୟ ଟ୍ବେଣ୍ଟି-୨୦କୁ ଭାରତ ହାରିବା ନେଇ ପୂର୍ବତନ କ୍ରିକେଟର୍ କ୍ଷୁବ୍ଧ
ରାଞ୍ଚି: ଝାଡ଼ଖଣ୍ଡର ରାଞ୍ଚିରେ ଗୁରୁବାର ଖେଳାଯାଇଥିବା ୱେଷ୍ଟଇଣ୍ଡିଜ୍ ବିପକ୍ଷ ଦ୍ବିତୀୟ ଟ୍ବେଣ୍ଟି-୨୦ରେ ୨୪୯ ରନ୍ର ବଡ଼ ସ୍କୋର୍ କରିବା ସତ୍ତ୍ବେ ଭାରତୀୟ କ୍ରିକେଟ୍ ଦଳ ପରାଜିତ ହୋଇଥିଲା। ଏପରିକି ୱେଷ୍ଟଇଣ୍ଡିଜ୍ ୯ ବଲ୍ ପୂର୍ବରୁ ବିଜୟ ଲକ୍ଷ୍ୟ ହାସଲ କରି ନେଇଥିଲା। ଏହାକୁ ନେଇ ପୂର୍ବତନ ବ୍ୟାଟିଂ କିଂବଦନ୍ତି ସୁନୀଲ ଗାଭାସ୍କର ତୀବ୍ର ଅସନ୍ତୋଷ ଜାହିର କରିଛନ୍ତି। ବିଶେଷ କରି ଘରୋଇ ଦଳର ବୋଲିଂ ଦକ୍ଷତାକୁ ନେଇ ପ୍ରଶ୍ନ ଉଠାଇଛନ୍ତି ସେ। ଏତେ ବଡ଼ ସ୍କୋର୍ କରିବା ପରେ ମଧ୍ୟ ବୋଲରମାନେ କାହିଁକି ଲକ୍ଷ୍ୟକୁ ସୁରକ୍ଷିତ ରଖିପାରିଲେ ନାହିଁ ବୋଲି ଏକ ସାକ୍ଷାତକାରରେ କ୍ଷୋଭର ସହ କହିଛନ୍ତି ସେ।
CaratLane: ପଟିଆରେ ‘କ୍ୟାରେଟଲେନ୍’ର ୩୭୪ତମ ଷ୍ଟୋର
ଏହି ଅବସରରେ ଗାଭାସ୍କର କହିଛନ୍ତି, ଭାରତ ୨୩୫ରୁ ୨୪୦ ରନ୍ କରିବ ବୋଲି ମୋର ଆଶା ଥିଲା। ବୋଲରମାନେ ଆଶାନୁରୂପ ବୋଲିଂ କରି ନଥିବା ସେ କହିଥିଲେ। ବୋଲିଂ ପ୍ରଶିକ୍ଷକ ଏହି ବୋଲରଙ୍କଠାରୁ କ’ଣ ଆଶା ରଖିଥିଲେ? ସେମାନେ ସେହି ଅନୁସାରେ ବୋଲିଂ କରିଥିଲେ କି ? ଏସବୁ ପ୍ରଶ୍ନ ପଚାରିବା ମଜାଦାର ହେବ ବୋଲି ଗାଭାସ୍କର ମତ ଦେଇଥିଲେ। ଅନ୍ୟପକ୍ଷରେ ପୂର୍ବତନ ଦ୍ରୁତ ବୋଲର ବରୁଣ ଆରୋନ୍ ପାୱାରପ୍ଲେରେ ଅକ୍ଷର ପଟେଲଙ୍କୁ ବୋଲିଂ ଦେବା ନିଷ୍ପତ୍ତିକୁ ସମାଲୋଚନା କରିଥିଲେ। ତାଙ୍କ ମତରେ, ସାଇ ହୋପ୍ ଓ ରୋଭମାନ୍ ପାୱେଲ୍ଙ୍କ ଭଳି ବ୍ୟାଟର୍ମାନେ ନୂଆ ବଲ୍ରେ ଅସୁବିଧାରେ ପଡ଼ୁଥିବାରୁ ଭାରତ ପ୍ରାରମ୍ଭରେ ଦ୍ରୁତ ବୋଲରଙ୍କୁ ଅଧିକ ସୁଯୋଗ ଦେବା ଉଚିତ ଥିଲା। ତେବେ ମ୍ୟାଚ୍ ପରେ ଭାରତୀୟ ଅଧିନାୟକ ଶ୍ରେୟସ ଆୟର୍ କହିଥିଲେ, କାକର ପ୍ରଭାବ ଯୋଗୁଁ ଏଭଳି ପରିସ୍ଥିତିରେ କେତେ ରନ୍କୁ ନିରାପଦ ସ୍କୋର୍ କୁହାଯିବ, ତାହା ଆକଳନ କରିବା କଷ୍ଟକର। ୨୪୯ ରନ୍ ମଧ୍ୟ ଦୁଇ ଓଭର୍ ବାକି ଥାଇ ପ୍ରତିପକ୍ଷ ହାସଲ କରିଥିବାରୁ କୌଣସି ନିର୍ଦ୍ଦିଷ୍ଟ ସ୍କୋର୍କୁ ଲକ୍ଷ୍ୟ ଭାବେ ଧରିବା ସମ୍ଭବ ନୁହେଁ ବୋଲି ସେ କହିଥିଲେ।
