2 hours ago
2
ARTICLE AD BOX
ତେହେରାନ: ଇରାନ ଏବଂ ଆମେରିକା ମଧ୍ୟରେ ଏକ ବିନାଶକାରୀ ଯୁଦ୍ଧ ଘନେଇବାରେ ଲାଗିଛି। ଗତ କିଛି ଘଣ୍ଟା ମଧ୍ୟରେ ଅନେକ ଘଟଣା ଘଟିଛି, ଯାହା ମଧ୍ୟପ୍ରାଚ୍ୟରେ ବିନାଶର ଆଶଙ୍କାକୁ ବୃଦ୍ଧି କରିଛି। ଡୋନାଲ୍ଡ ଟ୍ରମ୍ପ ପୂର୍ବରୁ ଧମକ ଦେଇଥିଲେ ଯେ, ଯଦି ଇରାନ ହର୍ମୁଜ୍ ପ୍ରଣାଳୀରେ ଆକ୍ରମଣ କରେ, ତେବେ ଆମେରିକୀୟ ସେନା ଇରାନ ଭିତରେ ସେତୁ ଏବଂ ପାୱାର ପ୍ଲାଣ୍ଟକୁ ଉଡ଼ାଇ ଦେବ। ଏହା ପରେ, ଇରାନ ମଧ୍ୟପ୍ରାଚ୍ୟ ଦେଶଗୁଡ଼ିକ ଉପରେ ବଡ଼ ଧରଣର କ୍ଷେପଣାସ୍ତ୍ର ଆକ୍ରମଣ କରିବାକୁ ମଧ୍ୟ ଚେତାବନୀ ଦେଇଛି। ଆମେରିକା ଇସ୍ରାଏଲକୁ ଜଣାଇଛି ଯେ, ଇରାନ ଭିତରେ ଆକ୍ରମଣକୁ ଜୋରଦାର୍ କରିବାକୁ ଯୋଜନା କରାଯାଉଛି।
IRGC: ଘାତକ ବି-୧ ଲାନ୍ସର ବୋମାବର୍ଷୀ ବିମାନ ମୁତୟନ କଲା ଆମେରିକା: ଆଇଆରଜିସିର ଘାଟି ଉପରେ ପ୍ରବଳ ବୋମାମାଡ଼
ଘମାଘୋଟ ଯୁଦ୍ଧ ଆଶଙ୍କା ମଧ୍ୟରେ ବ୍ରିଟେନ୍ ତେହେରାନରେ ଥିବା ନିଜର ଦୂତାବାସକୁ ଖାଲି କରିଦେଇଛି। ଏହା ସହ ତେହେରାନ ଛାଡ଼ିବାକୁ ନିଜ ନାଗରିକମାନଙ୍କୁ ନିର୍ଦ୍ଦେଶ ଜାରି କରିଛି। ସୁରକ୍ଷା ଦୃଷ୍ଟିରୁ ଏଭଳି ଅସ୍ଥାୟୀ ଭାବେ କରାଯାଉଥିବା ବ୍ରିଟେନ୍ର ବୈଦେଶିକ ମନ୍ତ୍ରଣାଳୟ କହିଛି।
ଇସ୍ରାଏଲୀ ଖବରକାଗଜ ୱାଇନେଟ୍ ନ୍ୟୁଜ୍ ରିପୋର୍ଟ କରିଛି ଯେ, ଚଳିତ ସପ୍ତାହରେ ପରିସ୍ଥିତି ବହୁତ ଖରାପ ହେବାର ଆଶଙ୍କା କରାଯାଉଛି। ଇସ୍ରାଏଲ ଆଉ ଏକ ଆକ୍ରମଣ ପାଇଁ ପ୍ରସ୍ତୁତ ହୋଇସାରିଛି। ରିପୋର୍ଟ ଅନୁଯାୟୀ, ଇସ୍ରାଏଲୀ ପ୍ରତିରକ୍ଷା ବାହିନୀକୁ ସତର୍କ ମୋଡ୍ରେ ରଖାଯାଇଛି। ଇସ୍ରାଏଲ ବର୍ତ୍ତମାନ ଚାଲିଥିବା ଯୁଦ୍ଧରେ ସାମିଲ ନାହିଁ କି ଇରାନ ଉପରେ ଆକ୍ରମଣ କରୁନାହିଁ, କିନ୍ତୁ ଯଦି ଯୁଦ୍ଧ ହୁଏ, ତେବେ ଇସ୍ରାଏଲ ଏଥିରେ ସାମିଲ ହୋଇପାରେ। ରିପୋର୍ଟ ଅନୁଯାୟୀ, ଇସ୍ରାଏଲୀ ପ୍ରତିରକ୍ଷା ବାହିନୀ ଆକ୍ରମଣ ଆରମ୍ଭ କରିବା ଏବଂ ପ୍ରତିରୋଧ କରିବା ପାଇଁ ସେମାନଙ୍କର କ୍ଷମତାକୁ ବୃଦ୍ଧି କରୁଛନ୍ତି। ଇସ୍ରାଏଲ ଆମେରିକା ସହ ଲଗାତାର ଯୋଗାଯୋଗରେ ଅଛି। ବରିଷ୍ଠ ଇସ୍ରାଏଲୀ ଅଧିକାରୀଙ୍କ ଅନୁସାରେ କହିଛନ୍ତି, ଆଗାମୀ ଦିନରେ ପରିସ୍ଥିତି କିପରି ହେବ ତାହା ଟ୍ରମ୍ପଙ୍କ ଉପରେ ନିର୍ଭର କରୁଛି।
ପ୍ରତିଶୋଧମୂଳକ ଆକ୍ରମଣ ପାଇଁ ଇସ୍ରାଏଲ ପ୍ରସ୍ତୁତ
ଜେରୁସାଲେମ ହ୍ୱାଇଟ୍ ହାଉସର ନିଷ୍ପତ୍ତିଗୁଡ଼ିକୁ ନିକଟରୁ ନଜର ରଖିଛି ଏବଂ ଯେକୌଣସି ପରିସ୍ଥିତି ପାଇଁ ପ୍ରସ୍ତୁତ ହେଉଛି। ଯଦି ଟ୍ରମ୍ପ ଏହି ଅଭିଯାନକୁ ଜୋରଦାର୍ କରିବାକୁ ନିଷ୍ପତ୍ତି ନିଅନ୍ତି, ତେବେ ହେବାକୁଥିବା ଇରାନର ପ୍ରତିଶୋଧମୂଳକ ଆକ୍ରମଣ ପାଇଁ ଇସ୍ରାଏଲ ପ୍ରସ୍ତୁତ ରହିବ। ଅନ୍ୟପକ୍ଷରେ, ଯଦି ଆମେରିକାର ଚାପ ଏକ ଅସ୍ଥାୟୀ ଅସ୍ତ୍ରବିରତି କିମ୍ବା ଶାନ୍ତି ଆଲୋଚନା ପୁଣି ଆରମ୍ଭ କରିବ,ତେବେ ପରିସ୍ଥିତିକୁ ଆହୁରି ସଙ୍କଟଜନକ ହେବାରୁ ରୋକାଯାଇପାରିବ। ୱାଇନେଟ୍ ନ୍ୟୁଜ୍ ଦାବି କରିଛି ଯେ, ଆମେରିକା ପକ୍ଷରୁ ପ୍ରଧାନମନ୍ତ୍ରୀ ବେଞ୍ଜାମିନ ନେତାନ୍ୟାହୁ ପ୍ରଶାସନକୁ ସୂଚନା ଦିଆଯାଇଛି ଯେ, ଇରାନ ଉପରେ ଆକ୍ରମଣ ଜୋରଦାର୍ ହେବାକୁ ଯାଉଛି।
