1 month ago
12
ARTICLE AD BOX
କଣ୍ଟାବାଞ୍ଜି: ବଲାଙ୍ଗୀର ଜିଲ୍ଲାର ଟିଟିଲାଗଡ଼ ରେଳ ଷ୍ଟେସନରେ ଏକ କୋଇଲା ବୋଝେଇ ମାଲବାହୀ ଟ୍ରେନରେ ନିଆଁ ଲାଗିଥିବା ସୂଚନା ମିଳିଛି। ସମ୍ବଲପୁରରୁ ରାୟଗଡ଼ା ଅଭିମୁଖେ ଯାଉଥିବା ଏହି ମାଳବାହୀ ଟ୍ରେନର କୋଇଲା ବୋଝେଇ ବଗିଗୁଡ଼ିକରୁ ଧୂଆଁ ବାହାରୁଥିବା ଦେଖି ରେଳ କର୍ତ୍ତୃପକ୍ଷ ତୁରନ୍ତ ଅଗ୍ନିଶମ ବିଭାଗକୁ ସୂଚନା ଦେଇଥିଲେ।
ନିଆଁର କାରଣ ଅସ୍ପଷ୍ଟ
ପ୍ରାରମ୍ଭିକ ସୂଚନା ଅନୁଯାୟୀ ୪ଟି ବଗି ପ୍ରଭାବିତ ହୋଇଥିବା କୁହାଯାଉଥିବାବେଳେ, କେତେକ ପ୍ରତିବେଦନରେ ୫ଟି ବଗିରେ ନିଆଁ ଲାଗିଥିବା କଥା ମଧ୍ୟ ଉଲ୍ଲେଖ ହୋଇଛି। ଖବର ପାଇ ଅଗ୍ନିଶମ ବାହିନୀ ଘଟଣାସ୍ଥଳରେ ପହଞ୍ଚି ନିଆଁକୁ ଆୟତ୍ତ କରିବାରେ ଲାଗିପଡ଼ିଥିଲେ। ଏହି ଘଟଣାରେ କୌଣସି ଜୀବନହାନି କିମ୍ବା ଆହତ ହେବାର ସୂଚନା ମିଳିନାହିଁ। ନିଆଁ ଲାଗିବାର ପ୍ରକୃତ କାରଣ ସ୍ପଷ୍ଟ ହୋଇନଥିବାବେଳେ, ରେଳ ବିଭାଗ ଏହାର ତଦନ୍ତ ଆରମ୍ଭ କରିଛି।
