56 minutes ago
1
ARTICLE AD BOX
ଚେନ୍ନାଇ: ଖଟିଖିଆଙ୍କୁ ତାମିଲନାଡୁର ମୁଖ୍ୟମନ୍ତ୍ରୀ ସି. ଜୋସେଫ ବିଜୟ ସରକାରଙ୍କ ପକ୍ଷରୁ ଦୁର୍ଗାପୂଜା ଭେଟି ମିଳିଛି। ବିଜୟଙ୍କ ସରକାର ଏକ ବଡ଼ ଘୋଷଣା କରିଛନ୍ତି। ଭିବି-ଜିରାମଜୀ ଯୋଜନାରେ ୧୨୫ ଦିନର ରୋଜଗାର ପୂରଣ କରୁଥିବା ଯୋଗ୍ୟ ଗ୍ରାମୀଣ ପରିବାରକୁ ରାଜ୍ୟ ପାଣ୍ଠିରୁ ୨୫ ଦିନର ଅତିରିକ୍ତ କାମ ମିଳିବ। ମହାତ୍ମା ଗାନ୍ଧୀ ଜାତୀୟ ଗ୍ରାମୀଣ ନିଯୁକ୍ତି ଗ୍ୟାରେଣ୍ଟି ଆଇନ ୨୦୦୫ ମନରେଗା ରଦ୍ଦ କରିବା ପରେ କେନ୍ଦ୍ର ସରକାର ଏକ ଆଦେଶ ଅନୁଯାୟୀ ଦେଶବ୍ୟାପୀ ‘ବିକାଶ ଭାରତ-ରୋଜଗାର ଏବଂ ଜୀବିକା ମିଶନ ଭିବି-ଜି ରାମ ଜି’ ଆରମ୍ଭ କରିଥିଲେ।
ଏହା ୧ ଜୁଲାଇ ୨୦୨୬ରୁ ତାମିଲନାଡୁରେ କାର୍ଯ୍ୟକାରୀ ହୋଇଥିଲା। ଏହା ଅନ୍ତର୍ଗତ ୧୨୫ ଦିନର ରୋଜଗାରର ଆଇନଗତ ଗ୍ୟାରେଣ୍ଟି ପ୍ରଦାନ କରିଥିଲା। ଏହି ପଦକ୍ଷେପର ସମୀକ୍ଷା କରି ମୁଖ୍ୟମନ୍ତ୍ରୀ ସି. ଜୋସେଫ ବିଜୟ ବର୍ଷକୁ ୧୫୦ଦିନ ପାଇଁ ସହାୟତା ଯୋଗାଇବାକୁ ଅଧିକାରୀମାନଙ୍କୁ ନିର୍ଦ୍ଦେଶ ଦେଇଛନ୍ତି। ଗ୍ରାମୀଣ ବିକାଶ ଏବଂ ପଞ୍ଚାୟତିରାଜ ବିଭାଗ ପକ୍ଷରୁ ଏନେଇ ପ୍ରଶାସନିକ ଅନୁମୋଦନ ପ୍ରଦାନ ଏବଂ ଦୁର୍ବଳ ଗୋଷ୍ଠୀର ପରିବାରଗୁଡ଼ିକୁ ପ୍ରାଥମିକତା ଦେବା ପାଇଁ ଏକ ନିର୍ଦ୍ଦେଶ ଜାରି କରିଛି।
୨୦୦୫ ମନରେଗା ରଦ୍ଦ
ଅତିରିକ୍ତ ୨୫ ଦିନର ନିଯୁକ୍ତି ପାଇଁ ମହିଳା ମୁଖ୍ୟ ପରିବାରଗୁଡ଼ିକୁ ପ୍ରାଥମିକତା ଦିଆଯିବ। ଏହି ଯୋଜନାର ବିଶେଷ ଲାଭ ଅବିବାହିତ ମହିଳା, ବିକଳାଙ୍ଗ ସଦସ୍ୟ ଥିବା ପରିବାର, ଅନୁସୂଚିତ ଜାତି ଏବଂ ଜନଜାତି ପରିବାର ଏବଂ ଅନୁସୂଚିତ ଜନଜାତିଙ୍କୁ ମିଳିବ। ଏହା ସହିତ ଅନ୍ୟାନ୍ୟ ପାରମ୍ପରିକ ବନବାସୀ ହିତାଧିକାରୀମାନଙ୍କୁ ମଧ୍ୟ ପ୍ରାଥମିକତା ଦିଆଯିବ। ଗ୍ରାମୀଣ ବିକାଶ ଏବଂ ପଞ୍ଚାୟତିରାଜ ବିଭାଗର କମିସନରଙ୍କୁ ଚେନ୍ନାଇ ବ୍ୟତୀତ ସମସ୍ତ ଜିଲ୍ଲାରେ ପାଣ୍ଠି ବଣ୍ଟନ କରିବାକୁ ଅଧିକାର ଦିଆଯାଇଛି।
