1 hour ago
1
ARTICLE AD BOX
ଇସ୍ତାନବୁଲ: ଇସ୍ତାନବୁଲର ମାରମାରା ସାଗରରେ ବୁଧବାର ଦୁଇଟି ତୁର୍କୀ ପତାକାଧାରୀ ବାଣିଜ୍ୟିକ ଜାହାଜ ମଧ୍ୟରେ ଧକ୍କା ଯୋଗୁ ଗୋଟିଏ ଜାହାଜ ଓ ଏହାର ୧୦ ଜଣ କ୍ରୁ ସଦସ୍ୟଙ୍କ ସହିତ ଯୋଗାଯୋଗ ହୋଇପାରୁ ନାହାନ୍ତି। ଗଭର୍ନର କାର୍ଯ୍ୟାଳୟରୁ ଉଦ୍ଧୃତ ରିପୋର୍ଟ ଅନୁଯାୟୀ, ଆଲିଆଗାର ଏଜିଆନ୍ ବନ୍ଦର ଅଭିମୁଖେ ଯାତ୍ରା କରୁଥିବା ଏକ ରାସାୟନିକ ଟ୍ୟାଙ୍କର୍ ଆଲସୁ ଓ କୃଷ୍ଣ ସାଗର ବନ୍ଦର କାରାଡେନିଜେରେଗଲି ଅଭିମୁଖେ ଯାଉଥିବା ବୃହତ୍ ଟୁଗବର୍କ ଇମାମୋଗ୍ଲୁ ଜାହାଜ ସ୍ଥାନୀୟ ସମୟ ଭୋର ପ୍ରାୟ ୩ ଟାରେ ଇସ୍ତାନବୁଲର ସିଲିଭ୍ରି ଜିଲ୍ଲା ନିକଟରେ ଧକ୍କା ହୋଇଥିଲେ। ଟୁଗବର୍କ ଇମାମୋଗ୍ଲୁ ଓ ଏହାର କର୍ମଚାରୀଙ୍କୁ ଖୋଜିବା ପାଇଁ ତଟରକ୍ଷୀ ଜାହାଜ ଓ ହେଲିକପ୍ଟରକୁ ଉକ୍ତ ଅଞ୍ଚଳକୁ ପଠାଯାଇଥିଲା।
୧୦ କ୍ରୁ ସଦସ୍ୟ ନିଖୋଜ
ଗଭର୍ନର କାର୍ଯ୍ୟାଳୟ ଅନୁଯାୟୀ, ଆଲସୁର କୌଣସି ଦୃଶ୍ୟମାନ କ୍ଷତି ହୋଇନାହିଁ। ଇସ୍ତାନବୁଲ ଚାମ୍ବର ଅଫ୍ ମାରିଟାଇମ୍ କମର୍ସର ତଥ୍ୟ ଅନୁଯାୟୀ, ଟୁଗବର୍କ ଇମାମୋଗ୍ଲୁ ଜେବେ ଡେନିଜସିଲିକ୍ ମାଲିକାନାରେ ରହିଛି। ଅନ୍ୟପକ୍ଷରେ ଆଲସୁ ଓଜପୁଲାଥାନେ ଡେନିଜ ତାସିମାସିଲିଗି ଦ୍ୱାରା ପରିଚାଳିତ ହେଉଛି। ଏବେବି ସନ୍ଧାନ ଓ ଉଦ୍ଧାର କାର୍ଯ୍ୟ ଚାଲିଥିବା ଗଭର୍ନର କାର୍ଯ୍ୟାଳୟ ପକ୍ଷରୁ ଜଣାପଡ଼ିଛି।
