1 week ago
6
ARTICLE AD BOX
ମସ୍କୋ: ଦେଶର ସଂସଦୀୟ ନିର୍ବାଚନରେ ​​ଶାସକ ୟୁନାଇଟେଡ୍ ରୁଷିଆ ଦଳ ଏକ ସହଜ ବିଜୟ ପାଇଁ ରାସ୍ତା ପରିଷ୍କାର କରିଛି। ଆଂଶିକ ସରକାରୀ ଫଳାଫଳ ଦର୍ଶାଉଛି ଯେ, ଦେଶରେ କୌଣସି ପ୍ରକୃତ ବିରୋଧୀ ଦଳ ନଥିବାରୁ ଶାସକ ଦଳ ୫୭.୫ ପ୍ରତିଶତ ଭୋଟ ପାଇଛି। ରାଷ୍ଟ୍ରପତି ଭ୍ଲାଦିମିର ପୁଟିନ ଏହି ନିର୍ବାଚନକୁ ତାଙ୍କ ନୀତି ଏବଂ ୟୁକ୍ରେନରେ ଯୁଦ୍ଧ ପାଇଁ ଜନସମର୍ଥନର ପରୀକ୍ଷା ଭାବରେ ଦେଖୁଛନ୍ତି। ଫେବ୍ରୁଆରି ୨୦୨୨ରେ ୟୁକ୍ରେନ ଉପରେ ରୁଷ ଆକ୍ରମଣ ଆରମ୍ଭ କରିବା ପରେ ଏହି ଭୋଟ ପ୍ରଥମ ସଂସଦୀୟ ନିର୍ବାଚନ। କମ୍ୟୁନିଷ୍ଟ, ଏଲଡିପିଆର, ନ୍ୟୁ ପିପୁଲ ଏବଂ ଜଷ୍ଟ ରୁଷିଆ ସମେତ ଅନ୍ୟ ଦଳଗୁଡ଼ିକ ନିର୍ବାଚନ ମଇଦାନରେ ଥିଲେ ମଧ୍ୟ ୪୫୦ ସଦସ୍ୟ ବିଶିଷ୍ଟ ଷ୍ଟେଟ୍ ଡୁମାରେ ଶାସକ ଦଳର ବିଜୟ ନିଶ୍ଚିତ ହୋଇଛି। ମଇଦାନରେ ଥିବା ଅନ୍ୟ ଦଳଗୁଡ଼ିକର ଦୁର୍ବଳ ସ୍ଥିତି ତଥା ପୁଟିନଙ୍କୁ ସେମାନେ ବିଭିନ୍ନ ସମୟରେ ସମର୍ଥନ ଦେଉଥିବାରୁ ଦେଶ ବିରୋଧୀ ଶୂନ୍ୟ ହୋଇଛି।
ବଡ଼ ଧରଣର ଡ୍ରୋନ୍ ଆକ୍ରମଣ କରିଥିଲା ୟୁକ୍ରେନ
ତିନି ଦିନିଆ ନିର୍ବାଚନର ଶେଷ ଦିନରେ ୟୁକ୍ରେନ ରୁଷ ଉପରେ ଏକ ବଡ଼ ଧରଣର ଡ୍ରୋନ୍ ଆକ୍ରମଣ କରିଥିଲା। ରୁଷିଆର କେନ୍ଦ୍ରୀୟ ନିର୍ବାଚନ କମିସନଙ୍କ ଅନୁଯାୟୀ, ମତଦାନ ହାର ୫୬.୬୬% ଥିଲା। ଏହି ନିର୍ବାଚନରେ ​​୧୧ କୋଟିରୁ ଅଧିକ ଲୋକ ଭୋଟ୍ ଦେଇଥିଲେ। ମସ୍କୋରେ ଇଲେକ୍ଟ୍ରୋନିକ୍ ଭୋଟିଂ ସିଷ୍ଟମ ଉପରେ ସାଇବର ଆକ୍ରମଣ ମଧ୍ୟ ରିପୋର୍ଟ ହୋଇଥିଲା। ନିର୍ବାଚନ କମିସନ କହିଛନ୍ତି ଯେ ଏହା ସତ୍ତ୍ୱେ ମତଦାନ ଜାରି ରହିଥିଲା। କିଛି ବିରୋଧୀ ଦଳ କାଗଜ ବାଲଟକୁ ପ୍ରତ୍ୟାଖ୍ୟାନ, ପର୍ଯ୍ୟବେକ୍ଷକଙ୍କ ବାଧା ଏବଂ ଅନ୍ୟାନ୍ୟ ଅନିୟମିତତା ଅଭିଯୋଗ କରିଥିଲେ। ଏହି ଅଭିଯୋଗଗୁଡ଼ିକୁ ନିରପେକ୍ଷ ଭାବରେ ଯାଞ୍ଚ୍ କରାଯାଇ ନାହିଁ।
Gold Mine Collapse: ସୁଦାନରେ ବଡ଼ ଦୁର୍ଘଟଣା: ସୁନା ଖଣି ସୁଡଙ୍ଗ ଧସି ୧୧ ମୃତ, ୩୦ ଆହତ ଏବଂ ଅନେକ ନିଖୋଜ
ଯୁଦ୍ଧକୁ ବିରୋଧ କରୁଥିବା ୟାବ୍ଲୋକୋ ଦଳକୁ ଅଗଷ୍ଟ ମାସରେ ରୁଷିଆର ସୁପ୍ରିମକୋର୍ଟ ଜାତୀୟ ଦଳ ତାଲିକାରୁ ବାଦ୍ ଦେଇଥିଲେ। ଅନେକ ଯୁଦ୍ଧ ବିରୋଧୀ ନେତାଙ୍କୁ ଜେଲ୍ରେ ରଖାଯାଇଥିଲା ଅବା ନିର୍ବାଚନ ଲଢ଼ିବାରୁ ନିଷେଧ କରାଯାଇଥିଲା କିମ୍ବା ଦେଶ ଛାଡିବାକୁ ବାଧ୍ୟ କରାଯାଇଥିଲା। ୟାବ୍ଲୋକୋ ଏବଂ କମ୍ୟୁନିଷ୍ଟ ପାର୍ଟି ଅଭିଯୋଗ କରିଛନ୍ତି, ସେମାନଙ୍କର ପର୍ଯ୍ୟବେକ୍ଷକମାନଙ୍କୁ କିଛି ମତଦାନ କେନ୍ଦ୍ରରେ ପ୍ରବେଶ ବାରଣ କରାଯାଇଥିଲା। ୨୦୨୧ ନିର୍ବାଚନରେ, ୟୁନାଇଟେଡ୍ ରୁଷିଆ ୪୫୦ ଆସନ ମଧ୍ୟରୁ ୩୨୪ଟି ଆସନ ଜିତିଥିଲା।
