54 minutes ago
1
ARTICLE AD BOX
ମୁମ୍ବାଇ: ଆଜି ହେଉଛି ବଲିଉଡର ଖ୍ୟାତନାମା ଅଭିନେତ୍ରୀ ରେଖାଙ୍କ ଜନ୍ମଦିନ। ଅନେକ ସମୟରେ ଏହି ନାୟିକାଙ୍କର ଲିଙ୍କ୍ଅପ୍ ଓ ବ୍ରେକ୍ ଅପ୍ , ଗୁପ୍ତ ବିବାହ ଆଦି ଘଟଣା ଅନେକ ସମୟରେ ଚର୍ଚ୍ଚାକୁ ଆସେ ଓ କେତେବେଳେ ତାହାକୁ ଗୁଜବ ବୋଲି କୁହାଯାଏ । ତେବେ ବଲିଉଡର ଏଭଳି ଘଟଣାର ଚର୍ଚ୍ଚା ଜଣାଶୁଣା ଅଭିନେତ୍ରୀରେଖାଙ୍କୁ ଅଧିକ ଲୋକପ୍ରିୟ କରିଥିଲା।
ବିଗ୍ ବି ଅମିତାଭ ବଚ୍ଚନ, ଗ୍ଲାମରସ୍ ରେଖା ଓ ସିଂପଲ୍ ଜୟା ଭାଦୁଡିଙ୍କ ବାସ୍ତବ ଜୀବନର ପେ୍ରମ ତ୍ରିକୋଣକୁ ଚର୍ଚ୍ଚା ସବୁବେଳେ ହୋଇଥାଏ । ଅମିତାଭ ଓ ରେଖା ପ୍ରଥମେ ‘ ଦୋ ଅନ୍ଜାନେ’ର ସୁଟିଂ ସେଟ୍ରେ ପରସ୍ପର ସହିତ ପରିଚିତ ହୋଇଥିଲେ । ସେ ଦୁହେଁ ପରେ ବେଶ୍ କେତୋଟି ହିନ୍ଦୀ ସିନେମାରେ ଏକାଠି କାମ କରିଥିଲେ । ତେବେ ଉଭୟଙ୍କୁ ଏକାଠି ଶେଷ ଥର ପାଇଁ ୟଶ୍ ଚୋପ୍ରାଙ୍କ ସିନେମା ‘ସିଲ୍ ସିଲା’ ରେ ଦେଖିବାକୁ ମିଳିଥିଲା । କୁହାଯାଏ ଯେ ଜୟାଙ୍କୁ ବିବାହ କରିବା ପରେ ବି ଅମିତାଭ ରେଖାଙ୍କ ସହ ସଂପର୍କ ରଖିଥିଲେ । ଖାଲି ସେତିକି ନୁହେଁ , ସେ ଦୁହେଁ ଗୋପନ ବିବାହ ମଧ୍ୟ କରିଥିଲେ ବୋଲି ଶୁଣିବାକୁ ମିଳୁଥିଲା । ରେଖା ସେଥିପାଇଁ ସିନେମାରେ ସବୁବେଳେ ସିନ୍ଦୂର ପିନ୍ଧିଥାଆନ୍ତି ବୋଲି କୁହାଯାଏ। ଋଷି କପୁର ଓ ନୀତୁ ସିଂହଙ୍କ ମ୍ୟାରେଜ୍ ରିସେପ୍ସନ୍ ପାର୍ଟିରେ ବି ରେଖାଙ୍କ ଗଳାରେ ମଙ୍ଗଳସୂତ୍ର ଓ ସିନ୍ଥିରେ ସିନ୍ଦୂର ଦେଖିବାକୁ ମିଳିଥିଲା । ତେବେ ଅମିତାଭ ଓ ରେଖା ସଂପର୍କର କିଛି ଭବିଷ୍ୟତ ନାହିଁ ବୋଲି ଜାଣି ପରସ୍ପରକୁ ଦୂରେଇ ଯାଇଥିଲେ ।
