ARTICLE AD BOX
ଭୋପାଳ: ମଧ୍ୟପ୍ରଦେଶର ସିଓନି ଜିଲ୍ଲାରେ ଏମିତି ଏକ ମାମଲା ସାମ୍ନାକୁ ଆସିଛି, ଯାହା ପୋଲିସର କାର୍ଯ୍ୟଦକ୍ଷତା ଉପରେ ପ୍ରଶ୍ନ ଉଠାଇଛି। ଏକ ହୋଟେଲରେ ରହୁଥିବା ପ୍ରେମୀଯୁଗଳଙ୍କୁ ଗଞ୍ଜେଇ ଚୋରା ଚାଲାଣର ମିଥ୍ୟା ଅଭିଯୋଗରେ ଧମକ ଦିଆଯାଉଥିବାର ଏକ ଭିଡିଓ ସୋସିଆଲ ମିଡିଆରେ ଭାଇରାଲ ହୋଇଛି। ଭିଡିଓରେ ପୁଲିସ ଅଧିକାରୀମାନେ ସେମାନଙ୍କ ବ୍ୟାଗରେ ଗଞ୍ଜେଇ ରଖି ଫସାଇବାକୁ ଧମକ ଦେଉଥିବା ଦେଖାଯାଇଛି। ଏହି ଘଟଣା ପରେ, ମୁଖ୍ୟମନ୍ତ୍ରୀ ମୋହନ ଯାଦବ ଦୃଢ଼ ଆଭିମୁଖ୍ୟ ଗ୍ରହଣ କରିଥିଲେ ଏବଂ ଛଅ ଜଣ ପୁଲିସ ଅଧିକାରୀଙ୍କୁ ନିଲମ୍ବନ କରିଛନ୍ତି |
ରିପୋର୍ଟ ଅନୁଯାୟୀ, ପ୍ରେମୀଯୁଗଳ ସିଓନିର ଏକ ହୋଟେଲରେ ରହୁଥିଲେ। ପୁଲିସ ହୋଟେଲରେ ପହଞ୍ଚି ଉଭୟଙ୍କୁ ପଚରାଉଚରା କରିଥିଲା। ଘଟଣାର ଏକ ଭିଡିଓ ସାମ୍ନାକୁ ଆସିଛି, ଯେଉଁଥିରେ ପୋଲିସ ଅଧିକାରୀମାନେ ସେମାନଙ୍କ ବ୍ୟାଗରେ ଗଞ୍ଜେଇ ରଖି ଚୋରା ଚାଲାଣ ମାମଲାରେ ଫସାଇବାକୁ ଧମକ ଦେଉଥିବା ଶୁଣିବାକୁ ମିଳୁଛି। ଭିଡିଓ ଭାଇରାଲ ହେବା ପରେ, ପୁଲିସର କାର୍ଯ୍ୟଦକ୍ଷତା ଉପରେ ପ୍ରଶ୍ନ ଉଠିଛି। ହୋଟେଲ ମାଲିକ ପୁଲିସ ଅଧିକାରୀମାନଙ୍କ ଉପରେ ଦାଦାବଟି ଆଦାୟ କରିବାର ମଧ୍ୟ ଅଭିଯୋଗ କରିଛନ୍ତି। ଏହି ଘଟଣାର ଗମ୍ଭୀରତାକୁ ଦୃଷ୍ଟିରେ ରଖି, ପୁଲିସ ମହାନିର୍ଦ୍ଦେଶକ କୈଳାସ ମାକୱାନାଙ୍କ ପ୍ରସ୍ତାବ ମୁତାବକ ମୁଖ୍ୟମନ୍ତ୍ରୀ ମୋହନ ଯାଦବ ଛଅ ଜଣ ପୁଲିସ ଅଧିକାରୀଙ୍କୁ ନିଲମ୍ବନ କରିଛନ୍ତି |
ଆହୁରି ପଢନ୍ତୁ: Highcourt: ପାରାଦୀପ ବନ୍ଦରରେ ଏମ୍ଟି ୟୁନିଟି ଜାହାଜକୁ ଆରେଷ୍ଟ ପାଇଁ ଦୁଇଟି ମାମଲାରେ ହାଇକୋର୍ଟଙ୍କ ନିର୍ଦ୍ଦେଶ
ମୁଖ୍ୟମନ୍ତ୍ରୀ ମୋହନ ଯାଦବ ସୋସିଆଲ ମିଡିଆ ମାଧ୍ୟମରେ କାର୍ଯ୍ୟାନୁଷ୍ଠାନ ସମ୍ପର୍କରେ ସୂଚନା ପ୍ରଦାନ କରି କହିଛନ୍ତି ଯେ ସିଓନିରେ ଭାଇରାଲ ଭିଡିଓ ଘଟଣାରେ ପ୍ରଥମ ଦୃଷ୍ଟିରୁ ସନ୍ଦେହଜନକ ଆଚରଣ ଯୋଗୁଁ ଛଅ ଜଣ ପୋଲିସ ଅଧିକାରୀଙ୍କୁ ତୁରନ୍ତ ନିଲମ୍ବନ କରିବାକୁ ନିର୍ଦ୍ଦେଶ ଦିଆଯାଇଛି। ସେ ସମଗ୍ର ଘଟଣାର ନିରପେକ୍ଷ ଏବଂ ପୁଙ୍ଖାନୁପୁଙ୍ଖ ତଦନ୍ତ ପାଇଁ ମଧ୍ୟ ନିର୍ଦ୍ଦେଶ ଦେଇଛନ୍ତି ।

1 hour ago
1


