1 hour ago
2
ARTICLE AD BOX
ନୂଆଦିଲ୍ଲୀ: ବିଚ୍ଛିନ୍ନତାବାଦୀ ୟାସିନ ମାଲିକଙ୍କ ପାଇଁ ସମସ୍ୟା ବଢ଼ିବାରେ ଲାଗିଛି। ନୂଆଦିଲ୍ଲୀର ଏକ ସ୍ୱତନ୍ତ୍ର ଏନଆଇ କୋର୍ଟ, ମନି ଲଣ୍ଡରିଂ ମାମଲାରେ ମାଲିକ ଏବଂ ଅନ୍ୟ ଛଅ ଜଣଙ୍କ ବିରୋଧରେ ଶୁଣାଣି ପାଇଁ ନିର୍ଦ୍ଦେଶ ଦେଇଛନ୍ତି। ଏହି ମାମଲା ପାକିସ୍ତାନରୁ ହାୱାଲା ଚ୍ୟାନେଲ ମାଧ୍ୟମରେ ବିଦେଶୀ ପାଣ୍ଠି ଗ୍ରହଣ କରିବା ଅଭିଯୋଗ ସହିତ ଜଡିତ।
ଅଭିଯୋଗ ହୋଇଛି ଯେ, ଅଭିଯୁକ୍ତମାନେ ୮ କୋଟି ୯୪ ଲକ୍ଷ ୮୭ ହଜାର ୬ ଶହ ୩୯ ଟଙ୍କାର ଅପରାଧିକ ଆୟ ଅର୍ଜନ କରିଥିଲେ ଏବଂ ପରେ ଗ୍ରହଣ କରିଥିଲେ। ଇଡି ମାମଲା ୨୦୧୭ରେ ଏନଆଇଏ ଦ୍ୱାରା ପଞ୍ଜିକୃତ ଏକ ମାମଲା ଉପରେ ଆଧାରିତ। ଶୁଣାଣି ବନ୍ଦ କକ୍ଷରେ ଅନୁଷ୍ଠିତ ହୋଇଥିଲା। ୟାସିନ ମାଲିକ ତିହାର ଜେଲ୍ରୁ ଭିଡିଓ କନଫରେନ୍ସିଂ ମାଧ୍ୟମରେ ହାଜର ହୋଇ ଅଭିଯୋଗକୁ ଅସ୍ୱୀକାର କରିଛନ୍ତି। ସେ କହିଛନ୍ତି ଯେ, ସେ ମାମଲା ଲଢ଼ିବେ।
ଶୁଣାଣି ପାଇଁ ନିର୍ଦ୍ଦେଶ
ସେପ୍ଟେମ୍ବରରେ ଏକ ସ୍ୱତନ୍ତ୍ର ଏନଆଇଏ କୋର୍ଟ ୟାସିନ ମାଲିକ ଏବଂ ଅନ୍ୟ ଛଅ ଜଣଙ୍କ ବିରରୋଧରେ ମନି ଲଣ୍ଡରିଂ ମାମଲା ଅନୁଯାୟୀ ଚାର୍ଜ ଫ୍ରେମ୍ କରିବାକୁ ନିର୍ଦ୍ଦେଶ ଦେଇଥିଲେ। ଅନ୍ୟ ଅଭିଯୁକ୍ତମାନଙ୍କ ମଧ୍ୟରେ ଜହୁର ଅହମ୍ମଦ ଶାହ ୱାଟାଲି, ଅବଦୁଲ ରସିଦ ଶେଖ, ଶବୀର ଅହମ୍ମଦ ଶାହ, ନଭାଲ କିଶୋର କପୁର, ତ୍ରିସାନ ଫାର୍ମସ ଆଣ୍ଡ କନଷ୍ଟ୍ରକ୍ସନ ପ୍ରାଇଭେଟ୍ ଲିମିଟେଡ୍ ଏବଂ ମସରତ ଆଲମ ଭଟ ଅଛନ୍ତି।
ବାଲେ ଡ୍ୟାନ୍ସରରୁ ୨୨ ହଜାର କୋଟିର ମାଲିକାଣୀ!
ତଦନ୍ତକାରୀ ସଂସ୍ଥା କହିଛି ଯେ, ଅଭିଯୁକ୍ତମାନେ ପାକିସ୍ତାନ ଏବଂ ଅନ୍ୟାନ୍ୟ ଆତଙ୍କବାଦୀ ସଂଗଠନଗୁଡ଼ିକଠାରୁ ହାୱାଲା ମାଧ୍ୟମରେ ବିଭିନ୍ନ ଉପାୟରେ ପାଣ୍ଠି ଗ୍ରହଣ କରି ବିଚ୍ଛିନ୍ନତାବାଦ ଏବଂ ଦେଶ ବିରୋଧୀ କାର୍ଯ୍ୟକଳାପର ସେମାନଙ୍କର ଏଜେଣ୍ଡା ଏବଂ ବିଚାରଧାରାର ପ୍ରଚାର କରିବାରେ ସମ୍ପୃକ୍ତ ଥିଲେ।
