1 day ago
3
ARTICLE AD BOX
ନୂଆଦିଲ୍ଲୀ: ମଦ ଦୋକାନରେ ସାଧାରଣତଃ ଲୋକଙ୍କ ଭିଡ଼ ଦେଖିବାକୁ ମିଳିଥାଏ। ଧାଡ଼ି ଯେତେ ଲମ୍ବା ହେଉନା କାହିଁକି, ଲୋକମାନେ ନିଜ ପାଳିକୁ ଅପେକ୍ଷା କରି ମଦ ନେଇ ଫେରନ୍ତି। କିନ୍ତୁ ଏଥର ଏକ ମଦ ଦୋକାନକୁ ଏପରି ଜଣେ ଗ୍ରାହକ ଆସିଥିଲା, ଯାହାକୁ ଦେଖି ସେଠାରେ ଥିବା ଲୋକମାନେ ମଧ୍ୟ ଆଶ୍ଚର୍ଯ୍ୟ ହୋଇଯାଇଥିଲେ।
ବାସ୍ତବରେ, ରାଞ୍ଚିର ଓରମାଞ୍ଝି ଅଞ୍ଚଳର ଏକ ମଦ ଦୋକାନ ଭିତରକୁ ହଠାତ୍ ଏକ ମାଙ୍କଡ଼ ପଶିଯାଇଥିଲା। ଏହାପରେ ଯାହା ଘଟିଲା, ତାହାର ଭିଡିଓ ସୋସିଆଲ ମିଡିଆରେ ଭାଇରାଲ ହୋଇଛି। ମଦ ପେଟିଗୁଡ଼ିକ ମଧ୍ୟରେ ମାଙ୍କଡ଼ଟି ଏପରି ଭାବେ ଅଚେତ ହୋଇ ପଡ଼ିଥିବା ଦେଖାଯାଇଥିଲା ଯେ, ଲୋକମାନେ ଏହାକୁ ଦେଖି ମଜାଳିଆ କମେଣ୍ଟ କରିବାକୁ ଲାଗିଥିଲେ।
ମଣିଷଙ୍କ ବଦଳରେ ଦୋକାନରେ ପହଞ୍ଚିଲା ମାଙ୍କଡ଼
ଭାଇରାଲ ଭିଡିଓରେ ରାଞ୍ଚିର ଓରମାଞ୍ଝିର ଏକ ମଦ ଦୋକାନ ଭିତରକୁ ହଠାତ୍ ଏକ ମାଙ୍କଡ଼ ପଶିଯାଇଥିବା ଦେଖାଯାଉଛି।
ମାଙ୍କଡ଼ଟି ଦୋକାନ ଭିତରେ ବୁଲିବୁଲି ମଦ ପେଟି ନିକଟରେ ପହଞ୍ଚିଥିଲା। ସେଠାରେ ରଖାଯାଇଥିବା ପ୍ୟାକେଟ୍ ମଦ ବୋତଲ ଉପରେ ସେ ଅଚେତ ଭଳି ପଡ଼ିଥିବା ଦେଖାଯାଇଥିଲା। ଏହି ଅଜବ ଗ୍ରାହକକୁ ଦେଖି ସେଠାରେ ଥିବା ଲୋକମାନେ ମଧ୍ୟ ତାହାର ଭିଡିଓ କରିବାକୁ ଲାଗିଥିଲେ।
ମଦ ପିଇ ପେଟି ଉପରେ ହିଁ ଶୋଇପଡ଼ିଲା!
ଭିଡିଓରେ ମାଙ୍କଡ଼ଟି ମଦ ପେଟିଗୁଡ଼ିକ ମଧ୍ୟରେ ଅଚେତ ଭଳି ପଡ଼ିଥିବା ଦେଖାଯାଉଛି। ଦାବି କରାଯାଉଛି ଯେ, ମାଙ୍କଡ଼ଟି ଦୋକାନରେ ରଖାଯାଇଥିବା ମଦ ପିଇବା ପରେ ନିଶାରେ ପେଟି ଉପରେ ହିଁ ଶୋଇପଡ଼ିଥିଲା। ଏହାପରେ ଆଖପାଖରେ ଥିବା ଲୋକମାନେ ତାହାର ଭିଡିଓ କରିବାକୁ ଲାଗିଥିଲେ।ତେବେ ଭିଡିଓରୁ ମାଙ୍କଡ଼ଟି କେତେ ପରିମାଣର ମଦ ପିଇଥିଲା, ତାହା ନିଶ୍ଚିତ ଭାବେ ଜଣାପଡ଼ୁନାହିଁ। କିନ୍ତୁ ଏହାର ଅଚେତ ଭଳି ପଡ଼ି ରହିବା ଲୋକମାନଙ୍କ ମଧ୍ୟରେ ନିଶ୍ଚୟ ଚର୍ଚ୍ଚାର ବିଷୟ ପାଲଟିଛି।
