1 hour ago
1
ARTICLE AD BOX
ପୁଣେ: ମହାରାଷ୍ଟ୍ରର ପୁଣେର ବହୁଚର୍ଚ୍ଚିତ ବ୍ୟବସାୟୀ କେତନ ଅଗ୍ରୱାଲ ହତ୍ୟା ମାମଲାରେ ଏକ ନୂଆ ମୋଡ଼ ଆସିଛି। କେତନଙ୍କୁ ଜୁନ୍ ୧୮ ତାରିଖରେ ଲୋହାଗଡ଼ ଦୁର୍ଗ ଉପରୁ ଧକ୍କା ଦେଇ ତାଙ୍କ ଭାବୀ ପତ୍ନୀ ଓ ତାଙ୍କ ପ୍ରେମିକ ହତ୍ୟା କରିଥିଲେ। ପ୍ରଥମେ ହତ୍ୟାକାଣ୍ଡକୁ ଦୁର୍ଘଟଣାର ରୂପ ଦିଆଯାଇଥିଲା। କିନ୍ତୁ ପରବର୍ତ୍ତୀ ସମୟରେ କେତନଙ୍କ ଭାବୀ ପତ୍ନୀ ସିଆ ଗୋୟଲ ଓ ତାଙ୍କ ପ୍ରେମିକ ଚେତନ ଚୌଧୁରୀ ଗିରଫ ହୋଇଥିଲେ। ଏହି ମାମଲାରେ ତୃତୀୟ ଅଭିଯୁକ୍ତ ଚେତନଙ୍କ ବନ୍ଧୁ ରିତେଶ ହାଙ୍ଗେଙ୍କୁ ଗିରଫ କରାଯାଇଛି।
କେତନଙ୍କୁ ଷଡ଼ଯନ୍ତ୍ର କରି ହତ୍ୟା କରାଯାଇଥିବା ପୁଲିସ କହିଥିଲା। ଏହି ହତ୍ୟା ଘଟଣାର ଜଣେ ପ୍ରତ୍ୟକ୍ଷଦର୍ଶୀ କହିଛନ୍ତି ଯେ, ଚେତନ ଚୌଧୁରୀ ୨୬ ବର୍ଷୀୟ କେତନଙ୍କୁ ଦୁର୍ଗ ଉପରୁ ଧକ୍କା ଦେଇଥିବା ସେ ଦେଖିଥିଲେ। ସାକ୍ଷୀଙ୍କ ନାଁ ପ୍ରକାଶ କରାଯାଇ ନଥିବାବେଳେ ସେ କହିଛନ୍ତି, ତାଙ୍କୁ ମୁହଁ ବନ୍ଦ ରଖିବାକୁ କୁହାଯାଇ ନଥିଲା, ନହେଲେ ତାଙ୍କର ମଧ୍ୟ ସମାନ ଅବସ୍ଥା ହେବ ବୋଲି ଧମକ ଦିଆଯାଇଥିଲା। ସାକ୍ଷୀ ଜଣକ ନିଜ ବନ୍ଧୁଙ୍କ ପରିବାର ସହିତ ଦୁର୍ଗକୁ ବୁଲିବାକୁ ଯାଇଥିଲେ। ସେଠାରୁ ଫେରିବା ପରେ ତାଙ୍କ ସ୍ବାସ୍ଥ୍ୟ ବିଗିଡ଼ି ଯାଇଥିଲା। ତେବେ ଘଟଣାର ପାଞ୍ଚ ଦିନ ପରେ ଜୁନ୍ ୨୩ ତାରିଖରେ ସେ ପୁଲିସରେ ତାଙ୍କ ବୟାନ ରେକର୍ଡ଼ କରିଥିଲେ। ଚେତନଙ୍କ ହୁଡି ତାଙ୍କୁ ତାଙ୍କ ଚେହେରା ମନେରଖିବାରେ ସାହାଯ୍ୟ କରିଥିଲା।
Murder: ପୁଣେରେ କେତନ ଅଗ୍ରୱାଲ ହତ୍ୟାକାଣ୍ଡ: ବାଗ୍ଦତ୍ତା ଓ ପ୍ରେମିକଙ୍କୁ ପଚରାଉଚରା
ସାକ୍ଷୀ କହିଛନ୍ତି, ସେ ଏତେ ଗରମରେ କାହିଁକି ହୁଡି ପିନ୍ଧିଛନ୍ତି ବୋଲି ମଧ୍ୟ ଚେତନଙ୍କୁ ପ୍ରଶ୍ନ କରିଥିଲେ। ସାକ୍ଷୀ ପୁଲିସକୁ କହିଥିଲେ ଯେ, ପେଟରେ ଯନ୍ତ୍ରଣା ହେବାରୁ ସେହି ଦିନ ସେ କିଛି ସମୟ ପାଇଁ ଘଟଣାସ୍ଥଳରୁ ଦୂରେଇ ଯାଇଥିଲେ। ଫେରିବା ସମୟରେ, ସିଆ ଚେତନଙ୍କ ଆଡ଼କୁ ଇଙ୍ଗିତ କରୁଥିବାର ସେ ଦେଖିଥିଲେ। ସାକ୍ଷୀଙ୍କ ବୟାନ ଅନୁସାରେ, ମହିଳା ଜଣକ ବସିପଡ଼ି କେତନଙ୍କ ଗୋଡ଼କୁ ଲାତ ମାରିଥିଲେ। ଏହା ପରେ ଚେତନ ପଛରୁ ବ୍ୟବସାୟୀଙ୍କ ପାଖକୁ ଦୌଡ଼ି ଯାଇ ତାଙ୍କୁ ପାହାଡ଼ ତଳକୁ ଠେଲି ଦେଇଥିଲେ। ସାକ୍ଷୀ ଜଣକ ଚେତନଙ୍କୁ ସେ ଦେଖିଥିବା ଦୃଶ୍ୟ ବିଷୟରେ ପଚାରିଥିଲେ, କିନ୍ତୁ ଚେତନ ତାଙ୍କୁ ସେହି ଦୁର୍ଗରୁ ଠେଲି ଦେବାକୁ ଧମକ ଦେଇଥିଲା। ପରେ ସାକ୍ଷୀ ଜଣକ ଘଟଣା ସମ୍ପର୍କରେ ତାଙ୍କ ବନ୍ଧୁଙ୍କୁ ମଧ୍ୟ କିଛି କହିନଥିଲେ।
