46 minutes ago
1
ARTICLE AD BOX
ନୂଆଦିଲ୍ଲୀ: ଦେଶରେ ଜିଏସ୍ଟି ଆଦାୟ ପୁଣି ଥରେ ୨ ଲକ୍ଷ କୋଟି ଟଙ୍କା ଟପିଛି। ୨୦୨୬ ସେପ୍ଟେମ୍ବରରେ ମୋଟ ୨,୦୩,୫୨୧ କୋଟି ଟଙ୍କାର ଜିଏସ୍ଟି ଆଦାୟ ହୋଇଛି। ୨୦୨୫ ସେପ୍ଟେମ୍ବରରେ ତାହା ୧,୭୭,୦୨୧ କୋଟି ଟଙ୍କା ଥିଲା। ଅର୍ଥାତ୍ ଗତ ବର୍ଷ ତୁଳନାରେ ଜିଏସ୍ଟି ସଂଗ୍ରହ ୧୪.୭% ବଢ଼ିଛି। ସେପ୍ଟେମ୍ବରରେ ଜିଏସ୍ଟି ଆଦାୟ ଲଗାତାର ତୃତୀୟ ମାସ ପାଇଁ ୨ ଲକ୍ଷ କୋଟି ଟଙ୍କାରୁ ଅଧିକ ରହିଛି।
ଗତବର୍ଷ ୫୨,୦୩୧ କୋଟି ଥିଲା
ସେପ୍ଟେମ୍ବରରେ ଦେଶ ଭିତରେ ହୋଇଥିବା କାରବାର ଓ ସେବାରୁ ୧,୩୮,୦୦୦ କୋଟି ଟଙ୍କାର ମୋଟ ଜିଏସ୍ଟି ଆଦାୟ ହୋଇଛି। ଏହା ଗତବର୍ଷ ସେପ୍ଟେମ୍ବରର ୧,୨୫,୦୦୦ କୋଟି ଟଙ୍କା ତୁଳନାରେ ୧୦.୧% ଅଧିକ। ଅନ୍ୟପକ୍ଷରେ, ବିଦେଶରୁ ଆସୁଥିବା ସାମଗ୍ରୀ ଉପରେ ଜିଏସ୍ଟି ଆଦାୟ ୬୫,୫୨୫ କୋଟି ଟଙ୍କା ହୋଇଛି। ଗତବର୍ଷ ଏହା ୫୨,୦୩୧ କୋଟି ଟଙ୍କା ଥିଲା। ଅର୍ଥାତ୍ ଆମଦାନି ଉପରୁ ଜିଏସ୍ଟି ଆଦାୟ ୨୫.୯% ବଢ଼ିଛି। ସେପ୍ଟେମ୍ବରରେ କେନ୍ଦ୍ରୀୟ ଜିଏସ୍ଟି ୩୭,୭୬୨ କୋଟି ଟଙ୍କା, ରାଜ୍ୟ ଜିଏସ୍ଟି ୪୫,୩୬୩ କୋଟି ଟଙ୍କା ଓ ସମନ୍ବିତ ଜିଏସ୍ଟି ୧,୨୦,୦୦୦ କୋଟି ଟଙ୍କା ଆଦାୟ ହୋଇଛି।
ସେପ୍ଟେମ୍ବରରେ ବ୍ୟବସାୟୀ ଓ ରପ୍ତାନିକାରୀଙ୍କୁ ଦିଆଯାଇଥିବା ଜିଏସ୍ଟି ରିଫଣ୍ଡ ୨୭,୦୦୧ କୋଟି ଟଙ୍କା ଥିଲା। ଏହା ଗତବର୍ଷର ୨୭,୮୪୮ କୋଟି ଟଙ୍କା ତୁଳନାରେ ୩% କମ୍। ରିଫଣ୍ଡ ବାଦ ଦେବା ପରେ ସରକାରଙ୍କ ନିଟ୍ ଜିଏସ୍ଟି ଆଦାୟ ୧,୭୭,୦୦୦ କୋଟି ଟଙ୍କା ହୋଇଛି। ଏହା ଗତବର୍ଷ ତୁଳନାରେ ୧୮.୧% ଅଧିକ।୨ ୦୨୬-୨୭ ଆର୍ଥିକ ବର୍ଷର ଏପ୍ରିଲରୁ ସେପ୍ଟେମ୍ବର ମଧ୍ୟରେ ଦେଶର ମୋଟ ଜିଏସ୍ଟି ଆଦାୟ ୧୨.୪୬ ଲକ୍ଷ କୋଟି ଟଙ୍କାରେ ପହଞ୍ଚିଛି। ଗତ ଆର୍ଥିକ ବର୍ଷର ଏହି ୬ ମାସରେ ଏହା ୧୧.୧୭ ଲକ୍ଷ କୋଟି ଟଙ୍କା ଥିଲା। ତେଣୁ ଏଥର ମୋଟ ଆଦାୟ ୧୧.୬% ବଢ଼ିଛି।
