1 month ago
11
ARTICLE AD BOX
ୱାସିଂଟନ:ଆମେରିକା ଏବଂ ଇରାନ ମଧ୍ୟରେ ଚାଲିଥିବା ଯୁଦ୍ଧ ଏକ ବିପଜ୍ଜନକ ମୋଡ଼ରେ ପହଞ୍ଚିଛି। ଆମେରିକା ଏବଂ ଇରାନ ପରସ୍ପର ବିରୋଧରେ ଅତ୍ୟନ୍ତ ଆକ୍ରମଣାତ୍ମକ ମନୋଭାବ ଗ୍ରହଣ କରୁଛନ୍ତି। ଆମେରିକା ଅନେକ ଇରାନୀ ଘାଟିକୁ ନଷ୍ଟ କରିଥିବା ଦାବି କରୁଛି। ଅନ୍ୟପକ୍ଷରେ ଇରାନ ମଧ୍ୟ ଆମେରିକୀୟ ସାମରିକ ଘାଟିକୁ ଟାର୍ଗେଟ କରିବା ଜାରି ରଖିଛି। ଏହି ସମୟରେ, ଆମେରିକା ରାଷ୍ଟ୍ରପତି ଡୋନାଲ୍ଡ ଟ୍ରମ୍ପଙ୍କ ପୂର୍ବତନ ପ୍ରତିରକ୍ଷା ସଚିବ ମାର୍କ ଏସ୍ପର ଚେତାବନୀ ଦେଇଛନ୍ତି ଯେ, କେବଳ ବିମାନ ଆକ୍ରମଣ ଉପରେ ନିର୍ଭର କରି ଆମେରିକା ଇରାନ ଯୁଦ୍ଧ ଜିତିପାରିବ ନାହିଁ। ସେ କହିଛନ୍ତି, ନିରନ୍ତର ବୋମାମାଡ଼ ଦ୍ବାରା ତେହେରାନର ମନୋଭାବକୁ ପରିବର୍ତ୍ତନ କରିବା ସମ୍ଭାବନା କମ୍।
ଏହି ବିବୃତି ଏପରି ଏକ ସମୟରେ ଆସିଛି ଯେତେବେଳେ ରାଷ୍ଟ୍ରପତି ଟ୍ରମ୍ପ ଇରାନ ଉପରେ ଆକ୍ରମଣକୁ ଜୋରଦାର୍ କରିବାକୁ ଆହ୍ୱାନ ଦେଇଛନ୍ତି। ଦୁଇ ଦେଶ ମଧ୍ୟରେ ବଢୁଥିବା ସଂଘର୍ଷ ମଧ୍ୟପ୍ରାଚ୍ୟରେ ଉତ୍ତେଜନାକୁ ବୃଦ୍ଧି କରିଛି। ଗଣମାଧ୍ୟମ ସହିତ କଥାବାର୍ତ୍ତା କରି ମାର୍କ ଏସ୍ପର କହିଛନ୍ତି ଯେ, କେବଳ ସାମରିକ କାର୍ଯ୍ୟାନୁଷ୍ଠାନ ଏହି ସଙ୍କଟର ସ୍ଥାୟୀ ସମାଧାନ ପ୍ରଦାନ କରିବ ନାହିଁ। ଟ୍ରମ୍ପ ଇରାନ ପ୍ରତି ଆକ୍ରମଣାତ୍ମକ ମନୋଭାବ ଗ୍ରହଣ କରୁଛନ୍ତି। ଯାହା ଦ୍ବାରା ସମାଧାନ ଆଶା କମ୍ ରହୁଛି। ସେ ଆମେରିକାକୁ ଯୁଦ୍ଧ ଯୋଗୁଁ ସୃଷ୍ଟି ହେଉଥିବା ଆସନ୍ନ ବିପଦ ସମ୍ପର୍କରେ ଚେତାବନୀ ଦେଇଛନ୍ତି।
