57 minutes ago
2
ARTICLE AD BOX
ପାଣି ପିଇବାର ତୁରନ୍ତ ପରେ ମଧ୍ୟ ଯଦି ଗଳା ଶୁଷ୍କ ଅନୁଭବ ହୁଏ ଏବଂ ବାରମ୍ବାର ଶୋଷ ଲାଗୁଥାଏ, ତେବେ ଏହାକୁ ଏକ ସାମାନ୍ୟ ବିଷୟ ଭାବରେ ଏଡ଼ାଇ ଦେବା ଠିକ୍ ନୁହେଁ। ଡାକ୍ତରଙ୍କ ଅନୁଯାୟୀ ଏହି ଲକ୍ଷଣଟି ନିଜେ ଏକ ରୋଗ ନ ହୋଇପାରେ, କିନ୍ତୁ ଏହା ଶରୀରରେ କୌଣସି ଗଡ଼ବଡ଼ିର ସଙ୍କେତ ନିଶ୍ଚିତ ଭାବରେ ଦେଇଥାଏ।
ଆହୁରି ପଢ଼ନ୍ତୁ: କୋଭଲମରେ ଦକ୍ଷିଣ ଆଞ୍ଚଳିକ ପରିଷଦର ୩୧ତମ ବୈଠକ ଅନୁଷ୍ଠିତ
ଅଧିକାଂଶ ମାମଲାରେ ବାରମ୍ବାର ଶୋଷ ଲାଗିବାର କାରଣ ଡିହାଇଡ୍ରେସନ୍ ହିଁ ହୋଇଥାଏ। ପରିଶ୍ରମ କରିବା, ଅଧିକ ଝାଳ ବାହାରିବା, ପ୍ରଖର ଖରାରେ ରହିବା କିମ୍ବା ଲୁଣିଆ ଜିନିଷ ଅଧିକ ଖାଇବା ଦ୍ୱାରା ଶରୀରରେ ପାଣିର ଅଭାବ ଦେଖାଦେଇଥାଏ, ଯାହାଫଳରେ ବାରମ୍ବାର ଶୋଷ ଲାଗିଥାଏ। କ୍ୟାଫିନ୍ ଏବଂ ମଦ୍ୟପାନର ଅଧିକ ସେବନ ମଧ୍ୟ ଶରୀରରୁ ପାଣି ବାହାର କରିବାର କାମ କରିଥାଏ, ଯାହା ଏହି ସମସ୍ୟାକୁ ଆହୁରି ବଢ଼ାଇପାରେ।
ବାରମ୍ବାର ଶୋଷ ଲାଗିବାର ମୁଖ୍ୟ କାରଣଗୁଡ଼ିକ
ଡିହାଇଡ୍ରେସନ: ଶରୀରରେ ଜଳୀୟ ଅଂଶ କମିଗଲେ ଏପରି ହୋଇଥାଏ। ଅଧିକ ପରିଶ୍ରମ, ବେଶି ଘାମ ବାହାରିବା, ଅଧିକ ସମୟ ଖରାରେ ରହିବା କିମ୍ବା ଅଧିକ ଲୁଣିଆ ଖାଦ୍ୟ ଖାଇବା ଦ୍ୱାରା ଏହା ହୁଏ। କ୍ୟାଫିନ୍ ଏବଂ ମଦ୍ୟପାନ ମଧ୍ୟ ଶରୀରରୁ ପାଣି କମାଇଦିଏ।
ମଧୁମେହ: ରକ୍ତରେ ଶର୍କରା ମାତ୍ରା ବଢ଼ିଗଲେ ଶରୀର ପରିସ୍ରା ମାଧ୍ୟମରେ ଅତିରିକ୍ତ ଗ୍ଲୁକୋଜ୍ ବାହାର କରିବାକୁ ଚେଷ୍ଟା କରେ। ଏହି ପ୍ରକ୍ରିୟାରେ ଶରୀରରୁ ପାଣି ମଧ୍ୟ ବାହାରିଯାଏ, ଯାହାକି ବାରମ୍ବାର ଶୋଷ ଲଗାଇଥାଏ।
କିଡ଼ନୀ ସମସ୍ୟା: କିଡ଼ନୀ ଶରୀରରେ ପାଣି ଏବଂ ଇଲେକ୍ଟ୍ରୋଲାଇଟ୍ସର ସନ୍ତୁଳନ ବଜାୟ ରଖେ। ଯଦି କିଡ଼ନୀ ଠିକ୍ ଭାବରେ କାମ ନ କରେ, ତେବେ ଏହି ସନ୍ତୁଳନ ବିଗିଡ଼ିଯାଏ ଏବଂ ଅଧିକ ଶୋଷ ଲାଗେ।
ଡାଇବେଟିସ୍ ଇନସିପିଡସ୍ : ଏହା ଏକ ଭିନ୍ନ ସ୍ଥିତି, ଯେଉଁଥିରେ ଶରୀରରେ ଏକ ନିର୍ଦ୍ଦିଷ୍ଟ ହରମୋନ୍ କମିଯିବା ଯୋଗୁଁ ଅତ୍ୟଧିକ ଶୋଷ ଲାଗିବା ସହିତ ବାରମ୍ବାର ପରିସ୍ରା ହୋଇଥାଏ।
ଶୁଷ୍କ ପାଟି : ପାଟିରେ ପର୍ଯ୍ୟାପ୍ତ ଲାଳ ନ ବନିଲେ ପାଟି, ଗଳା ଏବଂ ଜିଭ ଶୁଷ୍କ ହୋଇଯାଏ। କେତେକ ଔଷଧର ପାର୍ଶ୍ୱପ୍ରତିକ୍ରିୟା ଯୋଗୁଁ ମଧ୍ୟ ଏହା ହୋଇପାରେ।
କେବେ ଡକ୍ଟରଙ୍କ ପରାମର୍ଶ ନେବେ?
ଯଦି ଏହି ଲକ୍ଷଣଟି କ୍ରମାଗତ ଭାବରେ ଜାରି ରହେ, ବିଶେଷକରି ସେହି ବ୍ୟକ୍ତିମାନଙ୍କ କ୍ଷେତ୍ରରେ ଯାହାଙ୍କର ପୂର୍ବରୁ ମଧୁମେହ, କିଡ଼ନୀ ବା ହରମୋନ୍ ସମ୍ବନ୍ଧୀୟ କୌଣସି ରୋଗ ଅଛି, ତେବେ ଏହାକୁ ହାଲୁକା ଭାବରେ ନେବା ଉଚିତ୍ ନୁହେଁ। ଶିଶୁ ଏବଂ ବୃଦ୍ଧମାନଙ୍କ କ୍ଷେତ୍ରରେ ଏହା ଅଧିକ ଗମ୍ଭୀର ହୋଇପାରେ, ତେଣୁ ସମୟାନୁସାରେ ଡାକ୍ତରୀ ପରୀକ୍ଷା ଏବଂ ଉପଯୁକ୍ତ ଚିକିତ୍ସା ଜରୁରୀ।
ଆହୁରି ପଢ଼ନ୍ତୁ: ୨୦ ବର୍ଷର ହୋମ୍ ଲୋନ୍ ଏମିତି ୧୨ ବର୍ଷରେ ଶେଷ ହୋଇଯିବ
ଅଧିକ ଦେଖନ୍ତୁ:
