1 day ago
3
ARTICLE AD BOX
ରଣପୁର(ବିଶ୍ୱରଂଜନ ଆଚାର୍ଯ୍ୟ): ନୟାଗଡ଼ ଜିଲ୍ଲାର ଖୋର୍ଦ୍ଧା ବନଖଣ୍ଡ ଅଧୀନ ରଣପୁର ବନାଞ୍ଚଳର ଗୋପାଳପୁର ବନପାଳ ଅଞ୍ଚଳରେ ଗତ କିଛି ଦିନ ହେଲା ହାତୀ-ମଣିଷ ସଂଘର୍ଷ ଲାଗି ରହିଛି। ଏହି ସଂଘର୍ଷରେ କେତେବେଳେ ହାତୀର ମୃତ୍ୟୁ ହେଉଛି ତ କେତେବେଳେ ମଣିଷଙ୍କ ଜୀବନ ଯାଉଛି। ଗୋଠଛଡ଼ା ଜଙ୍ଗଲୀ ହାତୀ ଏବେ ଅଞ୍ଚଳରେ ଉତ୍ପାତ ସୃଷ୍ଟି କରୁଛି।
/filters:format(webp)/sambad/media/media_files/2026/11/11/whatsapp-i-2026-11-11-10-32-16.jpeg)
Ranpur Elephant Attack: Woman Killed in Nayagarh Photograph: (sambad.in)ପ୍ରାୟ ଦୁଇ ସପ୍ତାହ ତଳେ ମୟୂରଝାଲିଆ ହରିହରପୁର ଗ୍ରାମର ମମତା ନାମକ ଜଣେ ମହିଳାଙ୍କୁ ସନ୍ଧ୍ୟା ସମୟରେ ମନ୍ଦିର ନିକଟରେ ହାତୀ ଆକ୍ରମଣ କରି ମାରିଦେଇଥିଲା। ଏହାର ପୁନରାବୃତ୍ତି ଘଟିଛି ନଭେମ୍ବର ୧୦ ତାରିଖ ଭୋର ପ୍ରାୟ ୩ଟା ୧୫ ମିନିଟ୍ରେ। ରାଜ ଜଙ୍କିଆ ଗ୍ରାମପଞ୍ଚାୟତ ଅନ୍ତର୍ଗତ ଓସ୍ତପଡ଼ା ଗ୍ରାମର ମଞ୍ଜୁ ଜେନା ମନ୍ଦିର ବେଢ଼ାକୁ ଯିବା ପାଇଁ ଘରୁ ବାହାରିଥିବା ବେଳେ ଦାଣ୍ଡଦୁଆରେ ହାତୀ ତାଙ୍କୁ ଆକ୍ରମଣ କରି ମାରିଦେଇଥିବା ଦୁଃଖଦ ଘଟଣା ଘଟିଛି।
ଘଟଣାସ୍ଥଳକୁ ଆସିବାକୁ ଦାବି
ଖବର ପାଇ ଚାନ୍ଦପୁର ଥାନା ନିରୀକ୍ଷକ ଅଭୟ ବେହେରା ଘଟଣାସ୍ଥଳରେ ପହଞ୍ଚି ମୃତଦେହ ଜବତ କରିଥିଲେ। ଅନ୍ୟପକ୍ଷରେ, ବିଭିନ୍ନ ଦାବି ନେଇ ଗ୍ରାମବାସୀ ଜିଲ୍ଲାପାଳ ଓ ବନଖଣ୍ଡ ଅଧିକାରୀଙ୍କୁ ଘଟଣାସ୍ଥଳକୁ ଆସିବାକୁ ଦାବି କରିଥିବା ଜଣାପଡ଼ିଛି।
Bus Accident: ଝାରପୋଖରିଆରେ ଓଲଟିଲା ଦିଲ୍ଲୀ ଯାଉଥିବା ‘ଶ୍ୟାମଳୀ’ ବସ୍: ୨ ଗୁରୁତର, ୧୫ ଆହତ
