51 minutes ago
1
ARTICLE AD BOX
ୱାସିଂଟନ: ସବୁବେଳେ ନିଜକୁ ଶ୍ରେୟ ଦେଉଥିବା ଆମେରିକାର ରାଷ୍ଟ୍ରପତି ଡୋନାଲ୍ଡ ଟ୍ରମ୍ପ ୨୦୨୬ ମଧ୍ୟବର୍ତ୍ତୀକାଳୀନ ନିର୍ବାଚନରେ ​​ରିପବ୍ଲିକାନ ପାର୍ଟିର ପରାଜୟ ପାଇଁ ବାଲଟ୍ ପେପରରେ ତାଙ୍କର ଅନୁପସ୍ଥିତିକୁ ଦାୟୀ କରିଛନ୍ତି। ସେ କହିଛନ୍ତି ଯେ, ଯଦି ମୁଁ ନିର୍ବାଚନ ଲଢ଼ିଥାନ୍ତି ତେବେ ଦଳ ଏକ ବଡ଼ ବିଜୟ ହାସଲ କରିଥାନ୍ତା।
ଟ୍ରମ୍ପଙ୍କ ଏହି ମନ୍ତବ୍ୟ ସେତେବେଳେ ଆସିଛି ଯେତେବେଳେ ଡେମୋକ୍ରାଟମାନେ ଟେକ୍ସାସ, ଉତ୍ତର କାରୋଲିନା, ଦକ୍ଷିଣ କାରୋଲିନା ଏବଂ ଓହାଇଓରେ ଆମେରିକା ସିନେଟ୍ରେ ନିଜର ପତିଆରା ଜାହିର କରିଛନ୍ତି। ସେସବୁ ଅଞ୍ଚଳରେ ଟ୍ରମ୍ପ ଜୋରଦାର୍ ପ୍ରଚାର କରି ଭୋଟରମାନଙ୍କୁ ହାତେଇବାକୁ ପ୍ରୟାସ କରିଥିଲେ।ମୁଁ ନିର୍ବାଚନ ମଇଦାନରେ ନଥିଲି, ଏବଂ ଯଦି ମୁଁ ଥାଆନ୍ତି, ତେବେ ଆମେ ବିପୁଳ ମତରେ ଜିତିଥାନ୍ତୁ ବୋଲି ସେ ତାଙ୍କ ଟ୍ରୁଥ୍ ସୋସିଆଲ ପ୍ଲାଟଫର୍ମରେ ଏକ ପୋଷ୍ଟରେ କହିଛନ୍ତି।
ରିପବ୍ଲିକାନମାନଙ୍କ ପାଇଁ ଏକ ବଡ଼ ବିପର୍ଯ୍ୟୟ
ନ୍ୟୁୟର୍କ ଟାଇମ୍ସକୁ ଦେଇଥିବା ଏକ ସାକ୍ଷାତକାରରେ, ଟ୍ରମ୍ପ କହିଛନ୍ତି ଯେ ସେ ମଧ୍ୟବର୍ତ୍ତୀକାଳୀନ ନିର୍ବାଚନର ଫଳାଫଳକୁ ଗ୍ରହଣ କରିଛନ୍ତି ଏବଂ ଡେମୋକ୍ରାଟଙ୍କ ସହ କାମ କରିବାକୁ ପ୍ରସ୍ତୁତ। ଆମେରିକା ସିନେଟ୍ରେ ଡେମୋକ୍ରାଟମାନେ ବିଜୟୀ ହୋଇଛନ୍ତି। ୨୦୨୬ ମଧ୍ୟବର୍ତ୍ତୀକାଳୀନ ନିର୍ବାଚନରେ ​​ଡେମୋକ୍ରାଟମାନେ ଆମେରିକୀୟ ସିନେଟର ନିୟନ୍ତ୍ରଣ ପୁନଃ ହାସଲ କରିଛନ୍ତି। ଏହା ରିପବ୍ଲିକାନମାନଙ୍କ ପାଇଁ ଏକ ବଡ଼ ବିପର୍ଯ୍ୟୟ। ଏହା ଦ୍ବାରା ରାଷ୍ଟ୍ରପତି ଟ୍ରମ୍ପଙ୍କ ପରବର୍ତ୍ତୀ ଦୁଇବର୍ଷ କାର୍ଯ୍ୟକାଳରେ ଶାସକ ଦଳର ଏଜେଣ୍ଡାକୁ ରୋକିବା ପାଇଁ ବିରୋଧୀ ଦଳ ପ୍ରମୁଖ ଭୂମିକା ଗ୍ରହଣ କରିବ।
Woman Governor: ଡେମୋକ୍ରାଟ୍ କେଇଶା ଲାନ୍ସ ବଟମ୍ସ ଆମେରିକାର ପ୍ରଥମ କୃଷ୍ଣକାୟ ମହିଳା ଗଭର୍ନର
ନିର୍ବାଚନ ଫଳାଫଳ ବୃଦ୍ଧି ପାଉଥିବା ମୂଲ୍ୟବୃଦ୍ଧି, ଇରାନରେ ଯୁଦ୍ଧ ଏବଂ ସରକାରୀ ଦୁର୍ନୀତି ସମ୍ପର୍କରେ ଚିନ୍ତାକୁ ନେଇ ଭୋଟରଙ୍କ ହତାଶାକୁ ପ୍ରତିଫଳିତ କରିଛି। ଡେମୋକ୍ରାଟମାନେ ମଧ୍ୟ ପ୍ରତିନିଧି ସଭାରେ ସାତଟି ଆସନ ହରାଇଛନ୍ତି।
