Canada: କାନାଡ଼ାରେ ବିମାନ ଉଡ଼ାଣ ତାଲିମ ବେଳେ ୨ ଭାରତୀୟ ଛାତ୍ରଙ୍କ ମୃତ୍ୟୁ

ନୂଆଦିଲ୍ଲୀ: କାନାଡ଼ାରେ ଏକ ବିମାନ ଦୁର୍ଘଟଣାରେ ୨ ଭାରତୀୟ ଛାତ୍ରଙ୍କ ମୃତ୍ୟୁ ହୋଇଛି। ଉଡ଼ାଣ ତାଲିମ ନେଉଥିବାବେଳେ ସେମାନେ ଯାତ୍ରା କରୁଥିବା ବିମାନଟି ଦୁର୍ଘଟଣାଗ୍ରସ୍ତ ହୋଇଥିଲା। ଏଥିରେ ୨ ଜଣଙ୍କ ମୃତ୍ୟୁ ହୋଇଥିବା ଭାରତୀୟ ମିସନ୍‌ ପକ୍ଷରୁ ସ୍ପଷ୍ଟ କରାଯାଇଛି। ମୃତ ୨ ଛାତ୍ର ହେଉଛନ୍ତି ତାମିଲନାଡ଼ୁର ମନୋଜ ଶିବକୁମାର ଏବଂ ପୁଡ଼ୁଚେରୀର ଶ୍ରୀଶରଣ।

ଆହୁରି ପଢନ୍ତୁ :Odisha Teachers’ Issues ସରକାରଙ୍କୁ ମିଳିଲା ଶିକ୍ଷକଙ୍କ ସମସ୍ୟାର ରିପୋର୍ଟ

କାନାଡ଼ାର ଭାଙ୍କୋଭରସ୍ଥିତ ଭାରତୀୟ ବାଣିଜ୍ୟିକ ଦୂତାବାସ ଏହି ଘଟଣାରେ ଗଭୀର ଶୋକ ପ୍ରକାଶ କରିଛି। ଏକ୍ସରେ ଏକ ପୋଷ୍ଟ୍‌ କରି ଭାରତୀୟ ବାଣିଜ୍ୟିକ ରାଷ୍ଟ୍ରଦୂତ ଶୋକସନ୍ତପ୍ତ ପରିବାର ସଦସ୍ୟଙ୍କୁ ସମବେଦନା ଜଣାଇଛନ୍ତି। ଦୁଇ ଛାତ୍ରଙ୍କ ମରଶରୀର ଭାରତକୁ ପଠାଇବା ପ୍ରକ୍ରିୟାରେ ସେମାନଙ୍କ ପରିବାରକୁ ସମସ୍ତ ପ୍ରକାର ସହଯୋଗ କରାଯିବ ବୋଲି ଦୂତାବାସ ପକ୍ଷରୁ କୁହାଯାଇଛି।