1 day ago
2
ARTICLE AD BOX
ଲକ୍ଷ୍ନୌ:ନବଜାତ ଶିଶୁ ପାଇଁ ମା’ କ୍ଷୀରକୁ ସବୁଠାରୁ ନିରାପଦ ଏବଂ ପୁଷ୍ଟିକର ଖାଦ୍ୟ ଭାବରେ ବିବେଚନା କରାଯାଇଥାଏ। ତେବେ ଏକ ଆଶ୍ଚର୍ଯ୍ୟଜନକ ରିପୋର୍ଟ ସାମ୍ନାକୁ ଆସିଛି ଯେଉଁଥିରେ ମା’ କ୍ଷୀରରେ କ୍ଷତିକାରକ ରାସାୟନିକ ପଦାର୍ଥ ଏବଂ ଧାତୁର ଉପସ୍ଥିତି ମିଳିଛି। ଲକ୍ଷ୍ନୌର କିଙ୍ଗ ଜର୍ଜ ମେଡିକାଲ୍ ୟୁନିଭରସିଟି (କେଜିଏମୟୁ) ଦ୍ୱାରା କରାଯାଇଥିବା ଏକ ଅଧ୍ୟୟନରେ ଶହେ ଜଣ ସ୍ତନ୍ୟପାନ କରାଉଥିବା ମହିଳାଙ୍କ କ୍ଷୀର ନମୁନାରେ ଅନେକ ବିଷାକ୍ତ ରାସାୟନିକ ପଦାର୍ଥ ଏବଂ ଭାରୀ ଧାତୁ ରହିଥିବା ଜଣାପଡ଼ିଛି। ରିପୋର୍ଟ ଅନୁଯାୟୀ ସ୍ତନ୍ୟପାନ କରାଉଥିବା ମହିଳାଙ୍କ କ୍ଷୀର ନମୁନାରେ ଆଫ୍ଲାଟକ୍ସିନ୍ ଏମ-୧ ଏବଂ ଓକ୍ରାଟକ୍ସିନ୍ ସମେତ ଅନେକ ବିଷାକ୍ତ ପଦାର୍ଥ ଏବଂ କିଛି ଭାରୀ ଧାତୁ ମିଳିଛି। ସେପ୍ଟେମ୍ବରରେ ଜର୍ଣ୍ଣାଲ୍ ଅଫ୍ ଫୁଡ୍ ସାଇନ୍ସ ଆଣ୍ଡ୍ ଟେକ୍ନୋଲୋଜିରେ ପ୍ରକାଶିତ ଏହି ଅଧ୍ୟୟନରେ ସ୍ତନ୍ୟପାନ କରାଉଥିବା ମହିଳାଙ୍କ କ୍ଷୀର ନମୁନା ପରୀକ୍ଷା କରାଯାଇଥିଲା। କେଜିଏମୟୁ ଇନଷ୍ଟିଚ୍ୟୁଟ୍ ଅଫ୍ ଟକ୍ସିକୋଲୋଜିରେ କରାଯାଇଥିବା ପରୀକ୍ଷଣରେ ୭୩ ପ୍ରତିଶତ ନମୁନାରେ ଆଫ୍ଲାଟକ୍ସିନ୍ ଏମ-୧ ଏବଂ ୯୬ ପ୍ରତିଶତରେ ଓକ୍ରାଟୋକ୍ସିନ୍ ମିଳିଛି। ଜିରାଲେନୋନ୍, ଆଲଫା-ଜିରାଲେନୋଲ୍ ଏବଂ ବିଟା-ଜିରାଲେନୋଲ୍ ସମେତ ଅନ୍ୟାନ୍ୟ ରାସାୟନିକ ପଦାର୍ଥ ମଧ୍ୟ ମିଳିଛି। ସେହିପରି କ୍ରୋମିୟମ୍, ମାଙ୍ଗାନିଜ୍, ଆର୍ସେନିକ୍, କ୍ୟାଡମିୟମ୍ ଏବଂ ସୀସା ମଧ୍ୟ ମିଳିଛି। ଭାରୀ ଧାତୁ ମଧ୍ୟରେ ମା‘ କ୍ଷୀରରେ ମାଙ୍ଗାନିଜ୍ ୪୯% ଆର୍ସେନିକ୍ ୪୨% କ୍ୟାଡମିୟମ୍ ୩୪% କ୍ରୋମିୟମ୍ ୨୬% ସୀସା ୧୨% ରହିଥିବା ଜଣାପଡ଼ିଛି।
ଅନ୍ୟାନ୍ୟ ଅଙ୍ଗକୁ କ୍ଷତି ପହଞ୍ଚାଇବାର ଆଶଙ୍କା
ଗବେଷଣା ଅନୁଯାୟୀ, ଏହି ବିଷାକ୍ତ ପଦାର୍ଥ ଖାଦ୍ୟ ଏବଂ ପରିବେଶ ମାଧ୍ୟମରେ ମା’ ଶରୀରରେ ପ୍ରବେଶ କରୁଛି। ତା’ପରେ ମା’ କ୍ଷୀର ମାଧ୍ୟମରେ ନବଜାତ ଶିଶୁର ଶରୀରକୁ ଯାଉଛି। ଯାହା ଫଳରେ କିଡନୀ, ଯକୃତ ଏବଂ ଅନ୍ୟାନ୍ୟ ଅଙ୍ଗକୁ କ୍ଷତି ପହଞ୍ଚାଇବାର ଆଶଙ୍କା ସୃଷ୍ଟି ହେଉଛି। ବିଶେଷଜ୍ଞମାନେ କହିଛନ୍ତି ଯେ, ଫସଲରେ କୀଟନାଶକର ଅତ୍ୟଧିକ ବ୍ୟବହାର ଏହି ରାସାୟନିକ ପଦାର୍ଥଗୁଡ଼ିକୁ ଖାଦ୍ୟ ଶୃଙ୍ଖଳରେ ପ୍ରବେଶ କରାଉଛି। ବିଶେଷଜ୍ଞମାନେ ଫସଲରେ କୀଟନାଶକର ଅତ୍ୟଧିକ ବ୍ୟବହାର ଉପରେ ନିୟନ୍ତ୍ରଣ ରଖିବାକୁ ଆହ୍ୱାନ ଦେଇଛନ୍ତି।
Assam Earthquake: ନ୍ୟୁ କାଲିଡୋନିଆରେ ୬.୬ ତୀବ୍ରତାଯୁକ୍ତ ଶକ୍ତିଶାଳୀ ଭୂମିକମ୍ପ: ଭାରତରେ ଥରିଲା ଆସାମ
କେଜିଏମୟୁର ମେଡିସିନ ବିଭାଗର ଡକ୍ଟର ଡି. ହିମାଂଶୁଙ୍କ ଅନୁସାରେ, ଆମ ଖାଦ୍ୟ ଏବଂ ପାନୀୟ ମାଧ୍ୟମରେ ବିଷାକ୍ତ ରାସାୟନିକ ପଦାର୍ଥ ଆମ ଶରୀରରେ ପ୍ରବେଶ କରୁଛି। କୀଟନାଶକର ଅତ୍ୟଧିକ ବ୍ୟବହାରକୁ ନିୟନ୍ତ୍ରଣ କରାଯିବା ଆବଶ୍ୟକ ଏବଂ ନିର୍ଦ୍ଦେଶାବଳୀ ସ୍ଥାପନ କରାଯିବା ଉଚିତ୍। ଏହି ସମୟରେ, ସ୍ତ୍ରୀ ରୋଗ ବିଶେଷଜ୍ଞ ପ୍ରଫେସର ସୀମା ମାଲହୋତ୍ରାଙ୍କ ଅନୁସାରେ, ଫସଲ ଚାଷରେ ଅତ୍ୟଧିକ କୀଟନାଶକ ବ୍ୟବହାର ମହିଳାଙ୍କ କ୍ଷୀରରେ ବିଷାକ୍ତ ରାସାୟନିକ ପଦାର୍ଥ ଏବଂ କ୍ଷତିକାରକ ଧାତୁ ଉପସ୍ଥିତିର ଏକ ପ୍ରମୁଖ କାରଣ।
