Badminton World C’ships:: ବିଶ୍ବ ବ୍ୟାଡ୍‌ମିଣ୍ଟନ୍: କ୍ବାର୍ଟରରେ ତ୍ରିଶା-ଗାୟତ୍ରୀ

ନୂଆଦିଲ୍ଲୀ: ଭାରତୀୟ ମହିଳା ଯୁଗଳ ଯୋଡ଼ି ତ୍ରିଶା ଜଲି ଓ ଗାୟତ୍ରୀ ଗୋପୀଚାନ୍ଦ ଏଠାରେ ଚାଲିଥିବା ବିଶ୍ବ ବ୍ୟାଡ୍‌ମିଣ୍ଟନ ପ୍ରତିଯୋଗିତାର କ୍ବାର୍ଟରଫାଇନାଲ୍‌ରେ ପ୍ରବେଶ କରିଛନ୍ତି। ଗୁରୁବାର ପ୍ରିକ୍ବାର୍ଟରଫାଇନାଲ୍‌ରେ ତ୍ରିଶା ଓ ଗାୟତ୍ରୀ ସିଧାସଳଖ ୨୧-୧୬, ୨୧-୧୨ରେ ସପ୍ତମ ମାନ୍ୟତାପ୍ରାପ୍ତ ଜାପାନର ରିନ ଇୱାନାଗା ଓ କିଏ ନାକାନିଶିଙ୍କୁ ପରାସ୍ତ କରିଥିଲେ। ଏହି ଅଣମାନ୍ୟତାପ୍ରାପ୍ତ ଭାରତୀୟ ଯୋଡ଼ି ଏବେ ବିଶ୍ବ ପଦକଠୁ ମାତ୍ର ଗୋଟିଏ ବିଜୟ ଦୂରରେ ରହିଛନ୍ତି। ତ୍ରିଶା ଓ ଗାୟତ୍ରୀ ୨୦୨୨ ଓ ୨୦୨୩ରେ ଲଗାାତର ଅଲ୍‌ଇଂଲଣ୍ଡ ଓପନ୍‌ର ସେମିଫାଇନାଲ୍‌ ପହଞ୍ଚିଥିଲେ। ୨୦୨୨ ରାଜ୍ୟଗୋଷ୍ଠୀ କ୍ରୀଡ଼ାରେ ଏମାନେ ମଧ୍ୟ କାଂସ୍ୟ ଜିତିଥିଲେ ଏବଂ ଗତ ବର୍ଷ ବିଶ୍ବ ମାନ୍ୟତାରେ ଶୀର୍ଷ ୧୦ ମଧ୍ୟରେ ରହିଥିଲେ।